បេក្ខជនប្រឡងមធ្យមសិក្សាទុតិយភូមិខេត្តបន្ទាយមានជ័យមានបញ្ហាសុខភាពចំនួន១២នាក់ និងអវត្តមានចំនួន៤៧នាក់
- បន្ទាយមានជ័យ
ខេត្តបន្ទាយមានជ័យ ៖ បេក្ខជនប្រឡងសញ្ញាបត្រមធ្យមសិក្សាទុតិយភូមិមានបញ្ហាសុខភាពចំនួន១២នាក់និងអវត្តមានចំនួន៤៧នាក់នៅថ្ងៃទី១១ ខែសីហា ឆ្នាំ២០២៦នៅក្រុងសិរីសោភ័ណ។
លោក ឈូ ប៊ុនរឿង ប្រធានមន្ទីអប់រំយុវជននិងកីឡាខេត្តបន្ទាយមានជ័យបានប្រាប់ថា៖ប្រឡងសញ្ញាបត្រមធ្យមសិក្សាទុតិយភូមិឆ្នាំ២០២៦នៅក្រុងសិរីសោភ័ណនៅថ្ងៃទី២នេះបេក្ខជនមានបញ្ហាសុខភាពមានចំនួន១២នាក់ស្រី៨នាក់បើប្រៀបធៀបកាលពីថ្ងៃទី១បេក្ខដែលមានបញ្ហាសុខភាពចំនួន៧នាក់ស្រី៥នាក់និងថ្ងៃទី២មានបេក្ខជនអវត្តមានចំនួន៤៧នាក់ស្រី១៦នាក់ប្រៀបធៀបថ្ងៃទី១បេក្ខជនអវត្តមានចំនួន៤៧នាក់ស្រី១៦នាក់។
លោកបានបញ្ជាក់ថា៖ក្នុងចំណោមបេក្ខជនដែលមានបញ្ហាសុខភាពចំនួន១២នាក់ក្នុងនោះមាន១.មណ្ឌលសាកលវិទ្យាល័យមានជ័យមានបញ្ហាសុខភាពចំនួន១នាក់ ២.មណ្ឌលវិទ្យាល័យសិរីសោភ័ណមានបញ្ហាសុខភាពចំនួន៣នាក់ស្រី ៣.មណ្ឌលសាកលវិទ្យាល័យបេក្ខជនមានបញ្ហាសុខភាពចំនួន៤នាក់ស្រី៣នាក់ ៤.មណ្ឌលបឋមសិក្សាហ៊ុនសែនសុភីបេក្ខជនមានបញ្ហាសុខភាពចំនួន២នាក់ ៥.មណ្ឌលវិទ្យាល័យអូរអំបិលបេក្ខជនមានបញ្ហាសុខភាពមានចំនួន២នាក់។
លោក ឈូ ប៊ុនរឿង បានបញ្ជាក់ថា៖ខេត្តបន្ទាយមានជ័យទូទាំង៩ស្រុក/ក្រុងបេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំ២០២៦មានបេក្ខជនចំនួន៦,៥០២នាក់ស្រី៣,៧០៧នាក់មាន១.បេក្ខជនចំណេះទូទៅចំនួន៥,៨៨៧នាក់ស្រី៣,៤៥១នាក់ ២.បេក្ខជនស្វៃរិនចំនួន៤២៧នាក់ស្រី២០៤នាក់ ៣.បេក្ខជនបំពេញវិជ្ជាមានចំនួន១៨៨នាក់ស្រី៥២នាក់ ដែលមានចំនួន៨មណ្ឌលស្មើ២៦១បន្ទប់៕
ចែករំលែកព័តមាននេះ