ធ្លាប់លួ.ចនិងគា.ស់ផ្ទះយកម៉ូតូ បានសម្រេចច្រើនលើក ញ៉ាមមកលួ.ចម៉ូតូអ្នកជីកទំពាំង ត្រូវម្ចាស់ឃើញទាន់ ស្រែកផ្អើលឆោឡោ
- កំពង់ស្ពឺ
ខេត្តកំពង់ស្ពឺ៖ ក្រុមជនសង្ស័យចំនួន៣នាក់ ត្រូវបានកម្លាំងនគរបាលស្រុកសំរោងទង ធ្វើការឃាត់ខ្លួនខណៈដែលក្រុមជនសង្ស័យធ្វើសកម្មភាពលួចម៉ូតូរបស់ប្រជាពលរដ្ឋកំពុងជីកទំពាំង ហើយម្ចាស់ឃើញទាន់ស្រែកចោរចោរផ្អើលឈុល នគរបាលតាមក្របួចជាប់។
ការឃាត់ខ្លួនក្រុមជនសង្ស័យ បានធ្វើឡើងកាលពីវេលាម៉ោង៣និង២០នាទីរសៀលនៅថ្ងៃទី៨ ខែសីហា ឆ្នាំ២០២៦ ស្ថិតនៅចំណុចព្រៃខាងជើងភូមិបន្លាស្អិត ឃុំរលាំងចក ស្រុកសំរោងទង ខេត្តកំពង់ស្ពឺ។
នគរបាលស្រុកសំរោងទងបាននិយាយឲ្យដឹងថា ក្រុមជនសង្ស័យដែលនគរបាលឃាត់ខ្លួនមានឈ្មោះ ទី១- ឈ្មោះ ថៃ ចាន់ធូ ភេទប្រុស អាយុ២៧ឆ្នាំ មុខរបកម្មករសំណង់ មានស្រុកកំណើតនៅក្នុងភូមិព្រៃឈៀង ឃុំឬស្សីសាញ់ ស្រុកស៊ីធរកណ្ដាល ខេត្តព្រៃវែង
ទី២-ឈ្មោះ វ៉ាត់ អូន ហៅសិទ្ធ ភេទប្រុស អាយុ៣១ឆ្នាំ មុខរបរកម្មករសំណង់ ស្រុកកំណើតនៅក្នុងភូមិឬស្សីចក ឃុំព្រៃឃ្នេស ស្រុកមេសាង ខេត្តព្រៃវែង អ្នកទាំង២នាក់ស្នាក់នៅបន្ទប់ជួលក្នុងភូមិព្រីង ឃុំរលាំងចក ស្រុកសំរោងទង ខេត្តកំពង់ស្ពឺ និងទី៣-ឈ្មោះ លី ណារាជ ភេទប្រុស អាយុ៣៤ឆ្នាំ មុខរបរកម្មករសំណង់ មានស្រុកកំណើតភូមិស្វាយ ឃុំឈ្វាំង ស្រុកពញាឮ ខេត្តកណ្ដាល បច្ចុប្បន្នស្នាក់ការដ្ឋានសាងសង់មួយកន្លែង នៅក្នុងភូមិជ្រលងថ្កូវ ឃុំរលាំងចក ស្រុកសំរោងទង ខេត្តកំពង់ស្ពឺ ។
ម៉ូតូដែលក្រុមជនសង្ស័យធ្វើសកម្មភាពលួចមិនបានសម្រេចឲ្យត្រូវនគរបាលឃាត់ខ្លួន ម៉ាកហុងដា សេ១២៥ ស៊េរីឆ្នាំ២០១៦ ពណ៌ខ្មៅ ពាក់ផ្លាកលេខសៀមរាប 1W-3312 មិនទាន់ស្គាល់ឈ្មោះម្ចាស់ម៉ូតូនៅឡើយទេ។
នគរបាលស្រុកសំរោងទងបានបន្តឲ្យដឹងថានៅមុនពេលកើតហេតុ កាលពីវេលាម៉ោង៣ រសៀលថ្ងៃទី៨ ខែសីហា ឆ្នាំ២០២៦ ម្ចាស់ម៉ូតូបានចាក់សោកម៉ូតូហើយដើរទៅជីកទំពាំង ហើយដើររកជីកទំពាំង នៅចំណុចព្រៃខាងជើងភូមិបន្លាស្អិត ឃុំរលាំងចក ស្រុកសំរោងទង ខេត្តកំពង់ស្ពឺ ស្រាប់តែលេចមុខក្រុមជនសង្ស័យធ្វើសកម្មភាពលួចកាច់កម៉ូតូ ម្ចាស់បានឃើញហើយក៏ស្រែកថាចោរចោរ បង្កឲ្យមានការភ្ញាក់ផ្អើលដល់ប្រជាពលរដ្ឋនិងសមត្ថកិច្ចជួយអន្តរាគមន៍។ ដោយអនុវត្តតាមបទបញ្ជាដ៏ខ្ពង់ខ្ពស់ របស់លោកឧត្តមសេនីយ៍ទោ ឃឹម សុកខៃ ស្នងការ និង មានការចង្អុរបង្ហាញដោយលោកឧត្តមសេនីយ៍ត្រី សម សាក់ ស្នងការរងទទួលផែនព្រហ្មទណ្ឌ កម្លាំងនគរបាលស្រុកសំរោងទង បានសហកាជាមួយប៉ុស្តិនឹងប្រជាពលរដ្ឋស្រាវជ្រាវឃាត់ជនសង្ស័យ៣នាក់ប្រុស ពាក់ពន្ធ័ករណីលួចកាច់កម៉ូតូម៉ាកហុងដា សេ១២៥ ស៊េរីឆ្នាំ២០១៦ ពណ៌ខ្មៅ ពាក់ផ្លាកលេខសៀមរាប 1W-3312 (មិនទាន់ស្គាល់ឈ្មោះម្ចាស់ម៉ូតូទេ) ដោយសារតែពេលក្រុមសង្ស័យ បានកាច់សោរក ម៉ូតូហើយព្យាយាមជិះគេចខ្លួន ហើយម្ចាស់ឃើញទាន់ស្រែកឱ្យគេជួយ ហើយក្រុមជនសង្ស័យបានផ្ដួលម៉ូតូរត់ចូលព្រៃ បាត់ទៅ នគរបាលឃាត់ខ្លួនបានចំនួន៣នាក់។
នគរបាលស្រុកសំរោងទងបានបន្តឲ្យដឹងទៀតថា ពេលនគរបាលសាកសួរ ក្រុមជនសង្ស័យខាងលើ បានឆ្លើយសារភាពថា ពួកខ្លួនពិតជាបានធ្វើសកម្មភាពលួចកាច់កម៉ូតូខាងលើពិតប្រាកដមែន។ ហើយពួកគេធ្លាប់បានធ្វើសកម្មភាពលួចម៉ូតូ បានសម្រេចចំនួន៤លើក និងធ្វើសកម្មភាពលួចគាស់ផ្ទះរបស់ប្រជាពលរដ្ឋបានសម្រេចចំនួន ៣លើក ថែមទៀត។ ក្រោយឃាត់ខ្លួនក្រុមជនសង្ស័យនគរបាលបានធ្វើការដកហូតវត្ថុតាង មានទុលណឺវីសមុខសំប៉ែតចំនួន១ ចំពោះសោរអក្សរតេដែលក្រុមជនសង្ស័យបានធ្វើសកម្មភាពបានគប់ចោលក្នុងព្រៃបាត់ទៅហើយ។ ចំពោះម៉ូតូ នគរបាលស្រុកសំរោងទងបានប្រគល់ជូនម្ចាស់វិញហើយ។
នគរបាលស្រុកសំរោងទងបានបញ្ជាក់ឱ្យដឹងថា÷ ក្រោយឃាត់ខ្លួនក្រុមជនសង្ស័យរួមជាមួយនឹងវត្ថុតាងនគរបាលបានកសាងសំណុំរឿងបញ្ជូនទៅការិយាល័យជំនាញនៃស្នងការដ្ឋាននគរបាលខេត្តកំពង់ស្ពឺដើម្បីចាត់ការបន្តតាមផ្លូវច្បាប់៕
ចែករំលែកព័តមាននេះ