ម៉ូតូសង់២គ្រឿងបុ.កគ្នា ចំពីមុខពេញទំហឹង ស្លា.ប់បុរសម្នាក់ រងបួសធ្ងន់ស្រាល៣នាក់
- កំពង់ស្ពឺ
ខេត្តកំពង់ស្ពឺ៖ បុរសម្នាក់បានស្លាប់ក្រោយពេលបញ្ជូនទៅសង្គ្រោះនៅមន្ទីរពេទ្យ ហើយមនុស្សតូចធំចំនួន៣នាក់ផ្សេងទៀតបានរងរបួសធ្ងន់ស្រាល ត្រូវបានសាច់ញាតិក្រុមគ្រួសារដឹកយកទៅសង្គ្រោះព្យាបាលនៅគ្លីនិកឯកជនក្បែរកន្លែងកើតហេតុ ខណៈដែលម៉ូតូ២គ្រឿងបុកគ្នាចំពីមុខពេញទំហឹង។
ហេតុការណ៍ម៉ូតូ២គ្រឿងបុកគ្នាពេញទំហឹងបណ្ដាលឱ្យមានមនុស្សស្លាប់និងរបួសបានកើតឡើងកាលពីវេលាម៉ោង ៧និង៤០នាទីយប់ថ្ងៃទី១០ ខែសីហា ឆ្នាំ២០២៦ នៅតាមបណ្ដោយផ្លូវលំ ត្រង់ចំណុចភូមិស្រែកក់ ឃុំរលាំងចក ស្រុកសំរោងទង ខេត្តកំពង់ស្ពឺ។
នគរបាលស្រុកសំរោងទងបាននិយាយដឹងថានៅមុនពេលកើតមានម៉ូតូ១គ្រឿងម៉ាកហុងដាសេ១២៥ ពណ៌ខ្មៅ ស៊េរីឆ្នាំ២០១៩ ពាក់ផ្លាកលេខបាត់ដំបង1AE-5187 អ្នកបើកបរឈ្មោះ ខូយ ចិន្តា ភេទប្រុស អាយុ១៦ឆ្នាំ រស់នៅក្នុងភូមិក្រាំងស្ពឺ ឃុំរលាំងចក ស្រុកសំរោងទង ខេត្តកំពង់ស្ពឺ បានបើកបរតាមបណ្ដោយផ្លូវលំពីទិសខាងត្បូងទៅទិសខាងជេីង លុះពេលធ្វើដំណមកដល់ចំណុចកើតហេតុខាងលើបានបុកជាមួយម៉ូតូ១គ្រឿងម៉ាកហុងដាសេ១២៥ ពណ៌ខ្មៅ ស៊េរីឆ្នាំ២០២០ ពាក់ផ្លាកលេខកណ្តាល 1H-7013 អ្នកបើកបរឈ្មោះ ម៉ែន សំអូន ភេទប្រុស អាយុ៤៥ឆ្នាំ ឌុបមនុស្ស២នាក់ ទី១-ជុន ឆពុំ ភេទស្រី អាយុ១២ឆ្នាំ ទី២-ជិន ក្រៃភព ភេទប្រុស អាយុ៦ឆ្នាំ អ្នកទាំងបីនាក់រស់នៅក្នុងភូមិតាក្ដេរិ៍ ឃុំរលាំងចក ស្រុកសំរោងទង ខេត្តកំពង់ស្ពឺ ដែលកំពុងបើកបរបញ្ច្រាសទិសគ្នាចំពីមុខពេញទំហឹង បណ្ដាលឱ្យស្លាប់បុរសម្នាក់ឈ្មោះ(ម៉ែន សំអូន) ពេលបញ្ជូនដល់ទៅមន្ទីរពេទ្យ រងរបួសធ្ងន់ ១នាក់ប្រុស ឈ្មោះ(ខូយ ចិន្ដា) ក្រុមបញ្ជូនទៅមន្ទីរពេទ្យភ្នំពេញ។ និងរង របួសស្រាលចំនួន២នាក់ ឈ្មោះ (ជុន ឆពុំ-ជិន ក្រៃភព) ក្រុមគ្រួសារបញ្ជូនទៅមន្ទីរពេទ្យ។
នគរបាលស្រុកសំរោងទងបានបន្តឲ្យដឹងទៀតថាក្រោយកើតហេតុនគរបាលជំនាញបានចុះធ្វើការវាស់វែងកន្លែងកើតហេតុ។ សពបុរសខាងលើប្រគល់ឲ្យសាច់ញាតិក្រុមគ្រួសារយកទៅធ្វើបុណ្យតាមប្រពៃណ។ រងការខូចខាតម៉ូតូចំនួន ២គ្រឿងស្រាលរក្សាទុកនៅប៉ុស្តិ៍នគរបាលរដ្ឋបាលឃុំរលាំងចក បណ្ដោះអាសន្នរង់ចាំធ្វើការដោះស្រាយនៅពេលក្រោយ៕
ចែករំលែកព័តមាននេះ