សង្គ្រាមអ៊ុយក្រែន-រុស្ស៊ី៖ អ៊ុយក្រែនបន្តវាយប្រហារដោយប្រើដ្រូនក្នុងទ្រង់ទ្រាយធំ ប្រឆាំងដែនដីរុស្ស៊ី នាថ្ងៃទី១០ សីហាវាយប្រហារភាគកណ្ដាលប្រទេសនោះ បណ្ដាលឲ្យមនុស្សស្លាប់១១នាក់ ។ នេះជាការវាយប្រហារដ៏បង្ហូរឈាមមួយរបស់អ៊ុយក្រែនចូលជ្រៅក្នុងទឹកដីរុស្ស៊ីតាំងពីក្រុងមូស្គូចាប់វាយលុកចូលអ៊ុយក្រែនពីឆ្នាំ២០២២មក ។
ការវាយប្រហារនោះ ធ្វើឡើងទាំងប្រឆាំងបណ្ដាទីតាំងឧស្សាហកម្មក៏ដូចជាបណ្ដាទីតាំងស៊ីវិល នៅទីក្រុងឧស្សាហកម្មនីស
នេកាមស្ក៍ ស្ថិតនៅចម្ងាយដល់ជាង១០០០គីឡូម៉ែត្រ ពីព្រំដែនអ៊ុយក្រែន។ ក្រៅពីអ្នកស្លាប់មនុស្សប្រមាណជា៤០នាក់ទៀតរងរបួស ។ មានប្រជាជន២៤០.០០០នាក់ ទីក្រុងនីសនេកាមស្ក៍ដែលត្រូវគេផ្ដល់រហ្សនាមថា រដ្ឋធានីឧស្សាហកម្មប្រេងគីមីនៃតំបន់តាតាស្ថាន មានជាពិសេសបណ្ដារោងចក្រចម្រាញ់ប្រេងកាតនិងរោងចក្រប្រេងគីមីធំមួយ។ ទីក្រុងនោះធ្លាប់រងការវាយប្រហារដោយដ្រូនអ៊ុយក្រែនកាលពីថ្ងៃទី១២ មិថុនា សំដៅលើរោងចក្រចម្រាញ់ប្រេងកាត២កន្លែង ។
ពិតណាស់ ការវាយប្រហារនោះរបស់អ៊ុយក្រែន ពិតជានាំឲ្យមានការវាយសងសឹកវិញខ្លាំងក្លារបស់រុស្ស៊ី ។ តាមនាយទាហានអ៊ុយក្រែនម្នាក់ជាមេបញ្ជាការកងកម្លាំងដ្រូនអ៊ុយក្រែនថា កងទ័ពរុស្ស៊ីបច្ចុប្បន្ន អាចបាញ់ដំណាលគ្នាមីស៊ីលបាលីស្ទិក៧៧គ្រាប់ ហើយគ្រោងបង្កើនដល់២០០គ្រាប់ ។ ការព្រមាននេះ របស់មេបញ្ជាការរូបនោះធ្វើឡើងក្នុងពេលអ៊ុយក្រែនកំពុងធ្វើយុទ្ធនាការ ប៉ុនប៉ងដណ្ដើមយកតំបន់គ្រីមេពីរុស្ស៊ីវិញ ហើយកាត់ផ្ដាច់ខ្សែគមនាគមន៍ជើងគោករបស់រុស្ស៊ី ។ លោកអះអាងថា កងកម្លាំងដ្រូនរបស់លោក អាចបង្កើនដល់៧ដង ការវាយប្រហារលើបណ្ដាកគោលដៅនៅឧបទ្វីបគ្រីមេ ប្រសិនបើជំនួយហិរញ្ញវត្ថុរបស់លោកខាងលិចដែលសន្យាផ្ដល់ឲ្យមកដល់លឿន ។
មនុស្សយ៉ាងតិច៩នាក់ស្លាប់ នៅអ៊ុយក្រែននាពេលយប់ថ្ងៃទៅ១០ មក១១ សីហា ដោយសារការវាយប្រហាររបស់រុស្ស៊ី ។ ការវាយប្រហារនាពេលយប់របស់រុស្ស៊ីលើក្រុងហ្សាប៉ូរីហ្ស៊ីយ៉ា ភាគអាគ្នេយ៍អ៊ុយក្រែន ដំបូងបណ្ដាលឲ្យមនុស្សស្លាប់យ៉ាងតិច៦នាក់និងរបួស១៩នាក់ ចំណែកនៅក្រុងគៀវស្នូរផ្ទុះនានាបានលាន់ឮ ក្រោយស្នូរស៊ីរ៉ែនប្រកាសអាសន្នពីការវាយប្រហារដោយ
មីស៊ីល ។
ប្រមុខរដ្ឋបាលយោធាក្រុងហ្សាប៉ូរ៉ីហ្ស៊ីយ៉ាថ្លែងថា រុស្ស៊ីបានវាយប្រហារខ្លាំងក្លាលើតំបន់ក្រុងនោះ ដោយមីស៊ីល និងគ្រាប់បែកហោះបញ្ជាពិចម្ងាយ ដោយបំផ្លាញនិងធ្វើឲ្យខូចខាតបណ្ដាអគារនិងបណ្ដាហេដ្ឋារចនាសម្ព័ន្ធឧស្សាហកម្ម ។ កងទ័ពរុស្ស៊ី ក៏វាយប្រហារដោយដ្រូន និងកាំភ្លើងធំ ប្រឆាំងស្រុក៥នៃតំបន់ឌីនីប្រូប៉េត្រូវស្ក៍បណ្ដាលឲ្យមនុស្ស៣នាក់ស្លាប់ និង៥នាក់រងរបួស។ នៅក្រុងគៀវស្នូរផ្ទុះនានាលាន់ឮនាយប់ថ្ងៃទី១០ មក១១ សីហា ដោយសារមីស៊ីលរុស្ស៊ី ៕
ចែករំលែកព័តមាននេះ