រដ្ឋាភិបាលថ្មីរបស់លោកស្រីយីងឡាក់ ស៊ីណាវ៉ាត្រា ទទួលបានការតែងតាំងដោយព្រះរាជក្រឹត្យរបស់ព្រះមហាក្សត្ររួចហើយកាលពីយប់ថ្ងៃទី៩ សីហា បន្ទាប់ពី លោកស្រីយីងឡាក់ ធ្វើសច្ចាប្រណិធានចូលកាន់តំណែងមក។ បញ្ជីសមាជិករដ្ឋាភិបាលថ្មីថៃត្រូវបានបញ្ជូនដល់ខុទ្ទកាល័យលេខាធិការទីមួយរបស់ព្រះមហាក្សត្រ
រដ្ឋាភិបាលថ្មីរបស់លោកស្រីយីងឡាក់ ស៊ីណាវ៉ាត្រា ទទួលបានការតែងតាំងដោយព្រះរាជក្រឹត្យរបស់ព្រះមហាក្សត្ររួចហើយកាលពីយប់ថ្ងៃទី៩ សីហា បន្ទាប់ពី លោកស្រីយីងឡាក់ ធ្វើសច្ចាប្រណិធានចូលកាន់តំណែងមក។
បញ្ជីសមាជិករដ្ឋាភិបាលថ្មីថៃត្រូវបានបញ្ជូនដល់ខុទ្ទកាល័យលេខាធិការទីមួយរបស់ព្រះមហាក្សត្រដើម្បីទូលសុំការយល់ព្រមរបស់ព្រះមហាក្សត្រកាលពីថ្ងៃទី៩ សីហា ។ សមាជិកមួយចំនួនរបស់រដ្ឋាភិបាលថ្មីនេះរួមមានប្រធានគណបក្សភឿថៃលោកយ៉ុងយុទ្ធ វីឆៃឌីត ដែលត្រូវបានតែងតាំងជាឧបនាយករដ្ឋមន្ត្រី និងជារដ្ឋមន្ត្រីមហាផ្ទៃ។ លោកចាឡឺម យូបាមរ៉ុង ត្រូវបានតែងតាំងជាឧបនាយករដ្ឋមន្ត្រី ឧត្តមសេនីយ៍យុថាសាក់ សាស៊ីប្រាផា ជ្រើសតាំងជារដ្ឋមន្ត្រីការពារប្រទេស ហើយលោកស៊ូរ៉ាពង្ស តូវីចក្រ ឆាយកុល ជារដ្ឋមន្ត្រីការបរទេស។
ពុំមានមេដឹកនាំក្រុមអាវក្រហមណាម្នាក់ស្ថិតក្នុងបញ្ជីឈ្មោះរដ្ឋាភិបាលថ្មីថៃនេះឡើយ។ មុននេះនាថ្ងៃទី៩ សីហា ដែរ លោកស្រីយីងឡាក់ជាប្អូនស្រីពៅរបស់ស្ថាបនិកគណបក្ស លោកថាក់ស៊ីន ស៊ីណាវ៉ាត្រា ថ្លែងថា បងប្រុសរបស់លោកស្រីពុំបានចូលរួមក្នុងការសម្រាំងជ្រើសរើសបណ្តាសមាជិករបស់រដ្ឋាភិបាលថ្មីឡើយ។
លោកថាក់ស៊ីន ដែលរស់នៅនិរទេសឯក្រុងឌូបៃត្រូវបានផ្តួលរំលំតាមរយៈរដ្ឋប្រហារយោធាមួយគាំទ្រដោយពួកអាមាត្យកាលពីឆ្នាំ២០០៦។ ទោះបីជាលោកពុំបានស្ថិតក្នុងប្រទេសថៃក៏ដោយក៏លោកថាក់ស៊ីននៅតែសកម្មជានិច្ច ហើយនឹងអាចជាមេដឹកនាំតាមព្រឹត្តន័យរបស់គណបក្ស។
កាលពីថ្ងៃទី៩ សីហា លោកស្រីយីងឡាក់ ថ្លែងថា ខ្ញុំមានទំនុកចិត្ត និងពេញចិត្តចំពោះការបង្កើតរដ្ឋាភិបាលនោះក្រោយពីបានធ្វើការងារជាច្រើនលើរឿងនេះមក។ យើងត្រូវផ្តល់ឱកាសឱ្យរដ្ឋាភិបាលនោះធ្វើការមុនពេលវាយតម្លៃពីភាពសុក្រឹត្យរបស់រដ្ឋាភិបាលនេះ។ បណ្តាសមាជិករដ្ឋាភិបាលថ្មីរបស់លោកស្រីយីងឡាក់ ស៊ីណាវ៉ាត្រា ជានារីថៃដំបូងគេកាន់តំណែងនាយករដ្ឋមន្ត្រីត្រូវធ្វើសច្ចាប្រណិធានចូលកាន់តំណែងនៅមុខព្រះភ័ក្ត្រព្រះមហាក្សត្រនាថ្ងៃទី១០ សីហា នៅ មន្ទីរពេទ្យSIRIRAJ៕
ចែករំលែកព័តមាននេះ