រាជធានីភ្នំពេញ ៖ ការនាំចេញរបស់កម្ពុជា បានស្ទុះឡើងដល់ ២០,៨១ពាន់លានដុល្លារ ក្នុងរយៈពេល៧ខែដំបូង នៃឆ្នាំ ២០២៦ ពោលគឺកើនឡើង ២១,៣ភាគរយ បើធៀបនឹងរយៈពេលដូចគ្នាកាលពីឆ្នាំមុន នេះបើយោងតាមរបាយការណ៍ដែលចេញផ្សាយដោយអគ្គនាយកដ្ឋានគយ និងរដ្ឋាករកម្ពុជា (GDCE) នៅថ្ងៃទី១០ ខែសីហា ។
សហរដ្ឋអាមេរិក នៅតែជាទីផ្សារនាំចេញធំបំផុតរបស់កម្ពុជា ដោយក្នុងអំឡុងពេលពីខែមករា ដល់ខែមិថុនា ដោយការនាំចេញរបស់កម្ពុជា មានតម្លៃ ៩,០៤ពាន់លានដុល្លារ កើនឡើង៣០,៦ភាគរយ ។
វៀតណាម ត្រូវបានចាត់ថ្នាក់ជាគោលដៅនាំចេញធំទីពីរ ដោយមានតម្លៃ ២,៧៣ពាន់លានដុល្លារអាមេរិក កើនឡើង១២,៤ភាគរយ បន្ទាប់មកគឺប្រទេសចិន ក្នុងតម្លៃ ១,១ពាន់លានដុល្លារ កើនឡើង២៤,២ភាគរយ ។
ប្រទេសជប៉ុន ក៏ជាទីផ្សារសំខាន់ៗផងដែរ ដោយទទួលបានការនាំចេញមានតម្លៃ ១,០៨ពាន់លានដុល្លារ កើនឡើងជិត២៣ភាគរយ ។
ផលិតផលនាំចេញសំខាន់ៗរបស់កម្ពុជា រួមមាន ៖ សម្លៀកបំពាក់ គ្រឿងអេឡិចត្រូនិក ឧបករណ៍អគ្គិសនី ស្បែកជើង ទំនិញស្បែក គ្រាប់ធញ្ញជាតិ គ្រឿងសង្ហារិម កៅស៊ូ ផ្លែឈើ បន្លែ គុជខ្យង ប្រដាប់ក្មេងលេង និងវាយនភណ្ឌ ៕
ចែករំលែកព័តមាននេះ