ប្រឡងបាក់ឌុបឆ្នាំនេះ ! ខេត្តបន្ទាយមានជ័យ មានបេក្ខជនជាង៦ពាន់នាក់ តិចជាងឆ្នាំមុន
- បន្ទាយមានជ័យ
ខេត្តបន្ទាយមានជ័យ៖ខេត្តបន្ទាយមានជ័យបេក្ខជនក្នុងបញ្ជីប្រឡងសញ្ញាបត្រមធ្យមសិក្សាទុតិយភូមិឆ្នាំ២០២៦នេះមានចំនួន៦.៥០២នាក់តិចជាងឆ្នាំ២០២៥ សម័យប្រឡងនៅថ្ងៃទី១០ ខែសីហា ឆ្នាំ២០២៦ក្រុងសិរីសោភ័ណ។
លោក ឈូ ប៊ុនរឿង ប្រធានមន្ទីអប់រំ យុវជននិងកីឡាខេត្តបន្ទាយមានជ័យបានប្រាប់ថា៖ខេត្តបន្ទាយមានជ័យឆ្នាំ២០២៦នេះបក្ខជនក្នុងបញ្ជីប្រឡងសញ្ញាបត្រមធ្យសិក្សាទុតិយភូមិសម័យប្រឡងថ្ងៃទី១០ ខែសីហា ឆ្នាំ២០២៦មានបេក្ខជនសរុបចំនួន៦.៥០២នាក់ស្រី៣.៧០៧នាក់ក្នុងនោះមានបេក្ខជនចំណេះទូរទៅចំនួន៥,៨៨៧នាក់ បេក្ខជនស្វារិនចំនួន៤២៧នាក់ បេក្ខជនបំពេញវិជ្ជាចំនួន១៨៨នាក់មានចំនួន៨មណ្ឌលប្រឡងស្មើ២៦១បន្ទប់។
លោកបានបញ្ជាក់ថា៖បើប្រៀបធៀបបេក្ខជនប្រឡងសញ្ញាបត្រមធ្យមសិក្សាទុតិយភូមិឆ្នាំ២០២៦មានបេក្ខជនចំនួន៦,៥០២នាក់ក្នុងនោះមានស្រីចំនួន៣,៧០៧នាក់បើប្រៀបធៀបឆ្នាំ២០២៥មានចំនួន៦,៥៥២នាក់ក្នុងនោះមានស្រី៣,៧២៥នាក់ក្នុងឆ្នាំ២០២៥មានបេក្ខភាពច្រើនជាង៥០នាក់ស្រី១៨នាក់។
លោក ឈូ ប៊ុនរឿង បានបញ្ជាក់ថា៖មណ្ឌលប្រឡងមានចំនួន៨មណ្ឌលមាន១.ថ្នាក់វិទ្យាសាស្គ្រចំនួន៦៩បន្ទប់មាន១.វិទ្យាល័យហ៊ុនសែនខ្លាកូន២៥បន្ទប់ ២.អនុវិទ្យាល័យទឹកថ្លា២៣បន្ទប់ ៣.សាកលវិទ្យាល័យជាតិមានជ័យ២១បន្ទប់ ២.ថ្នាក់វិទ្យាសាស្គ្រសង្គមមានចំនួន១៩២បន្ទប់មាន៤.វិទ្យាល័យសិរីសោភ័ណ៤៥បន្ទប់ ៥.បឋមសិក្សាហ៊ុនសែនសូភី៣០បន្ទប់ ៦.វិទ្យាល័យសម្តេចឪ៣៦បន្ទប់ ៧.សាកលវិទ្យាល័យគ្រប់គ្រងនិងសេដ្ឋកិច្ច(UME)៨.វិទ្យាល័យអូរអំបិល៤០បន្ទប់៕
ចែករំលែកព័តមាននេះ