ខេត្តពោធិ៍សាត់ ៖ ទិដ្ឋភាពស្ពានតេជោសន្តិភាពឫស្សីជ្រុំ ដ៏ខ្ពស់ត្រដែត អមដោយដោយអ័ព្ទ ព្រៃពឹក្សាខៀវស្រងាត់ត្រជាក់ភ្នែក នារដូវកាលបៃតង ។ នេះបើយោងតាមផេកក្រសួងសាធារណការ និងដឹកជញ្ជូនបានប្រកាសនាយប់ថ្ងៃទី៩ ខែសីហា ឆ្នាំ២០២៦ ។
ស្ពានតេជោសន្តិភាពឫស្សីជ្រុំ ជាស្ពានខ្ពស់ជាងគេ នៅក្នុងព្រះរាជាណាចក្រកម្ពុជា បានក្លាយជាទីចាប់អារម្មណ៍របស់បងប្អូនប្រជាពលរដ្ឋ ដែលធ្វើដំណើរឆ្លងកាត់ឈប់ថតរូប ទស្សនាកម្សាន្ត ជាមួយទិដ្ឋភាពស្ពានខ្ពស់ត្រដែត អមដោយដោយអ័ព្ទ ព្រៃពឹក្សាខៀវស្រងាត់ត្រជាក់ភ្នែក ។
សូមជម្រាបថា ស្ពានតេជោសន្តិភាពឫស្សីជ្រុំ មានកម្ពស់៩០ម៉ែត្រ ប្រវែង៥៣៧ម៉ែត្រ ទទឹង១០ម៉ែត្រ មានទីតាំងស្ថិតក្នុងភូមិឆាយលូក ឃុំអូរសោម ស្រុកវាលវែង ខេត្តពោធិ៍សាត់ ។ ស្ពាននេះ ស្ថិតនៅលើកំណាត់ផ្លូវជាតិលេខ១០ ឆ្លងកាត់ស្ទឹងឫស្សីជ្រុំ នៅស្រុកវាលវែង ខេត្តពោធិ៍សាត់ ត្រូវបានបើកការដ្ឋានសាងសង់នៅថ្ងៃទី៩ ខែមីនា ឆ្នាំ២០២០ និងបានបើកឱ្យពលរដ្ឋធ្វើដំណើរជាផ្លូវការ កាលពីថ្ងៃទី១៥ ខែឧសភា ឆ្នាំ២០២៥ ៕
ចែករំលែកព័តមាននេះ