ខណៈដែលវិស័យពុទ្ធចក្របានកំពុងតែសាបព្រោះខ្លាំងនៅក្នុងសង្គម សម្តេចសង្ឃមួយអង្គបានមានថេរៈដីកាថា នៅពេលនេះពុទ្ធិបរិស័ទជាច្រើន បានកំពុងតែចាប់អារម្មណ៍រឿងរៀន និងស្វែងយល់ពីធម៌អាថ៌ ។
នៅក្នុងស្ថានភាពបែបនេះ សម្តេចឧត្តមវង្សា គូ សុភាព បានមានថេរៈដីកាថា គ្រសហ្ថនៅពេលនេះ ចាប់ផ្តើមចាប់អារម្មណ៍រឿងធម៌អាថ៌នេះច្រើន ហើយបានរំលឹកដល់ព្រះសង្ឃលើបញ្ហានេះ ។
សម្តេចឧត្តមវង្សា គូ សុភាព បានមានថេរៈដីកាបញ្ជាក់ថា បច្ចុប្បន្ន ញោមផុសផុលរៀនធម៌អាថ៌ ព្រះសង្ឃយើងកុំភ្លេចខ្លួន ខំរៀនសូត្រធម៌អាថ៌ ព្រះត្រៃបិដក ប្រយ័ត្នចាញ់ញោម ។
កម្ពុជាមានប្រជាពលរដ្ឋជាង១៧ លាននាក់ ហើយមានពុទ្ធិបរិស័ទសរុបលើសពី៩៥ភាគរយ នៅក្នុងនោះ មានព្រះសង្ឃជាង៧ ម៉ឺនអង្គ ហើយគង់នៅវត្តជាង៥ពាន់វត្ត ៕
ចែករំលែកព័តមាននេះ