អ្នកជំងឺដែលមានបញ្ហាបំពង់ទឹកប្រមាត់ និងបំពង់លំពែង ឥឡូវនេះមន្ទីរពេទ្យធំៗនៅក្នុងស្រុកអាចមានសមត្ថភាពព្យាបាលជំងឺនេះបាន ដោយប្រើប្រាស់ឧបករណ៍ទំនើបនឹងទាន់សម័យ ។
ពាក់ព័ន្ធនឹងបច្ចេកទេសព្យាបាលជំងឺនេះ មន្ទីរពេទ្យជាតិ តេជោសន្តិភាព បានអះអាងកាលពីថ្ងៃទី៧ ខែសីហា ឆ្នាំ២០២៦ថា ខ្លួនបានបង្កើនសមត្ថភាពបន្ថែមក្នុងព្យាបាលជំងឺទាំងនេះ ស្របតាមសម័យកាលនៃបច្ចេកវិទ្យា និងនវានុវត្តន៍ ។
ប្រភពដដែលបានបន្តថា មន្ទីរពេទ្យ គឺអាចព្យាបាលតាមវិធីសាស្ត្រ និងបច្ចេកទេសទំនើបដែលរួមបញ្ចូល អង់ដូស្កុប និងកាំរស្មីអ៊ិច ដើម្បីកំណត់ទីតាំង និងព្យាបាលបញ្ហានៅបំពង់ទឹកប្រមាត់ ឬបំពង់លំពែង ។
ប្រភេទជំងឺ ដែលអាចព្យាបាលបានមានដូចជា ការយកក្រួសចេញពីបំពង់ទឹកប្រមាត់, ការបើកបំពង់ដែលស្ទះ ឬរួមតូច, ការដាក់រ៉ឺស័រ (Stent) ដើម្បីសម្រួលលំហូរទឹកប្រមាត់ និងការព្យាបាលការលេចធ្លាយទឹកប្រមាត់ និងបញ្ហាបំពង់លំពែងជាដើម ៕
ចែករំលែកព័តមាននេះ