អាសូរណាស់! បងឌុបប្អូនទៅរៀន ទាក់ដៃចង្កូតជាមួយរ៉ឺម៉កដឹកបន្លែ ធ្លា.ក់ប្អូនពីលើម៉ូតូ ត្រូវរថយន្តកិ.នបែ.កក្បាលស្លា.ប់
- ភ្នំពេញ
រាជធានីភ្នំពេញ៖ បងប្រុសអាយុជាង១០ឆ្នាំ បានជិះម៉ូតូ១គ្រឿងឌុបប្អូនប្រុសអាយុ១០ឆ្នាំទៅរៀន ហើយបានទាក់ដៃចង្កូតជាមួយរ៉ឺម៉កម៉ូតូដឹកបន្លែ១គ្រឿងទៀត បណ្ដាលឲ្យធ្លាក់ប្អូនប្រុសទៅលើថ្នល់ ។ ស្របពេលនោះ ក៏មានរថយន្តម៉ាកតូយ៉ូតាព្រូស១គ្រឿង បើកបរក្នុងទិសដៅបញ្ច្រាស់គ្នាទៅដល់ គេចចេញអត់ទាន់កិនបែកក្បាលស្លាប់ភ្លាមៗនៅនឹងកន្លែងតែម្ដង ។
ឧប្បត្តិហេតុគ្រោះថ្នាក់ចរាចរណ៍ខាងលើបានកើតឡើង កាលពីវេលាម៉ោង៦និង៤០នាទីព្រឹក ថ្ងៃទី០៧ ខែសីហា ឆ្នាំ២០២៦ នៅលើផ្លូវបេតុងព្រៃសស្ថិតនៅក្នុងភូមិត្រពាំងចក សង្កាត់ព្រៃវែង ខណ្ឌដង្កោ រាជធានីភ្នំពេញ ។
កុមារារងគ្រោះដល់ស្លាប់បាត់បង់ជីវិតនោះឈ្មោះ សុភ័ក្រ សុខវិសាល អាយុ១០ឆ្នាំ ជាសិស្សថ្នាក់ទី២ នៃសាលាបឋមសិក្សាព្រៃវែង ស្នាក់នៅជាមួយឪពុកម្តាយនៅសង្កាត់ព្រៃស ខណ្ឌដង្កោ ចំណែកបងប្រុសមិនត្រូវបានស្គាល់ឈ្មោះនោះទេ គ្រាន់តែដឹងថាមានអាយុជាង១០ឆ្នាំ ។
សមត្ថកិច្ចបានប្រាប់ឲ្យដឹងថា នៅមុនពេលកើតហេតុក្មេងប្រុសទាំង២នាក់បងប្អូនបង្កើត បានជិះម៉ូតូ១គ្រឿងម៉ាកហុងដាគុបចង្កៀងជ្រុង ពណ៍ទឹកប៊ិច ពាក់ស្លាកលេខ ភ្នំពេញ 1J-5459 ឌុបគ្នាចេញពីផ្ទះនៅម្តុំជិតពន្ធនាគារព្រៃស ទៅសាលារៀន ដោយបងប្រុសជាអ្នកឌុប និងធ្វើដំណើរក្នុងទិសដៅពីជើងទៅត្បូង ។ លុះពេលទៅដល់ត្រង់ចំណុចកើតហេតុ បានវ៉ាជែងរ៉ឺម៉កម៉ូតូដឹកបន្លែ១គ្រឿងនៅខាងមុខ បណ្តាលឲ្យទាក់ដៃចង្កូតគ្នាធ្វើឲ្យម៉ូតូរេចង្កូត ហើយធ្លាក់ក្មេងប្រុសដែលជាប្អូនទៅលើថ្នល់ទាំងកំរោល ។
សមត្ថកិច្ចបានប្រាប់ឲ្យដឹងថា ស្របពេលនោះក៏មានរថយន្ត១គ្រឿងម៉ាកតូយ៉ូតាព្រូស ពណ៍ស ពាក់ស្លាកលេខភ្នំពេញ2BR-2434 បើកបរដោយបុរសម្នាក់ ធ្វើរដំណើរក្នុងទិសដៅបញ្ច្រាស់គ្នាទៅដល់គេចអត់ទាន់ក៏កិនបណ្តាលឲ្យបែកក្បាលស្លាប់ភ្លាមៗនៅកន្លែងកើតហេតុតែម្តង ។ បន្ទាប់មករថយន្តខាងលើបានឈប់នៅនឹងកន្លែង ចំណែករ៉ឺម៉កដឹកបន្លែបើកគេចបាត់ ហើយក្រោយពេលកើតហេតុ នគរបាលចរាចរណ៍ខណ្ឌដង្កោ និងកម្លាំងការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ។ បានធ្វើការវាស់វែង នាំយកអ្នកបើកបររថយន្ត និងរថយន្ត ព្រមទាំងម៉ូតូទៅធ្វើការសាកសួរនិងរក្សាទុក រង់ចាំការដោះស្រាយនៅពេលក្រោយ រួចប្រគល់សពក្មេងប្រុសខាងលើជូនក្រុមគ្រួសារនាំយកទៅធ្វើបុណ្យតាមប្រពៃណី ៕
ចែករំលែកព័តមាននេះ