សង្គ្រាមអ៉ីរ៉ង់ ៖ ប្រធានាធិបតីអាមេរិក លោកដូណាល់ត្រាំ វាយតម្លៃកាលពីថ្ងៃទី៦ សីហា ថា ជម្លោះរវាងអាមេរិក និងអ៉ីរ៉ង់នឹងបញ្ចប់ក្នុងពេលដ៏ឆាប់ខាងមុខនេះ ។
នៅការិយាល័យពងក្រពើនិយាយយោងដល់អ៉ីរ៉ង់លោកត្រាំថ្លែងថា ខ្ញុំគិតថា ជម្លោះនោះនឹងបញ្ចប់ក្នុងពេលដ៏ឆាប់ខាងមុខ។ ខ្ញុំក៏គិតដែរថា ជម្លោះនេះមិនអាចនៅអូសបន្លាយយូរបន្តទៀតទេ ។ ទាក់ទិននឹងច្រកសមុទ្រហ័រមូស ជាច្រកសមុទ្រយុទ្ធសាស្ត្រសំខាន់ ដែលអ៉ីរ៉ង់បិទខ្ទប់តាំងពីចាប់ផ្ដើមសង្គ្រាមមកលោកត្រាំថា អាចបើកវិញក្នុងពេលដ៏ឆាប់ដែរ ។
ប្រធានាធិបតីអាមេរិកអះអាងទៀតថា ការពិភាក្សាគ្នាពីរឿងនោះ ប្រព្រឹត្តទៅល្អបំផុត ។ ខ្ញុំក៏ចូលរួមក្នុងការចរចានោះដែរ ។ ការបើកច្រកសមុទ្រនោះវិញអាចមានក្នុងពេលដ៏ឆាប់ ។ អ៉ីរ៉ង់គូសបញ្ជាក់កាលពីថ្ងៃទី៥ សីហា ថា ព្រមព្រៀងគ្នាជាមួយអូម៉ង់ លើផ្លូវថ្មីនៃការឆ្លងកាត់ច្រកសមុទ្រនោះ ដែលប្រទេសទាំង២ស្ថិតនៅជាប់ច្រកនេះ ។
ប៉ុន្តែ រាល់ការបើកឡើងវិញក៏ពឹងផ្អែកលើសហរដ្ឋអាមេរិក ដែលដាក់ការហ៊ុមព័ទ្ធកំពង់ផែអ៉ីរ៉ង់ ។ នេះបើតាមប្រភពនានារបស់
អ៉ីរ៉ង់ ។
ចែករំលែកព័តមាននេះ