ឆ្លងចរន្តអគ្គិសនីឆាបឆេះទូក្លាស្សេ ផ្អើលផ្សារងិនអាន ម្តុំអតីតរង្វង់មូលកាំកូ
- ភ្នំពេញ
រាជធានីភ្នំពេញៈទូក្លាស្សេនៅក្នុងផ្ទះលក់ តៅហ៊ូមួយកន្លែងនៅផ្សារ ងីនអាន ហៅផ្សារទំនប់ បានឆ្លងចរន្តឆាបឆេះផ្សែងហុយទ្រលោមបង្កអោយ មានការភ្ញាក់ផ្អើលដល់រថយន្តពន្លត់អគ្គីភ័យទៅអន្តរាគមន៍។
ទោះបីជាយ៉ាងណាភ្លើងពុំឆេះរាលដាលធ្ងន់ធ្ងរនោះឡើយគ្រាន់តែរងការខូចខាតទូក្លាស្សេ មួយគ្រឿងនិងសម្ភារៈមួយចំនួនតែប៉ុណ្ណោះ។
ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង ១ និង ៥នាទីរសៀលថ្ងៃទី ៥ខែសីហា នៅផ្សារងិន អាន ដែលស្ថិតនៅតាមបណ្ដោយផ្លូវ៥៩៨ (ផ្លូវជាសុផារ៉ា)ខាងកើតអតីតរង្វង់មូលកាំកូ ក្នុងភូមិទួលគោកចង្កាត់ទួលសង្កែ១ ខណ្ឌឬស្សីកែវ។
តាមសាក្សីបានអោយដឹងថា នៅមុនពេលកើតហេតុគេឃើញភ្លើងបានឆាប់ឆេះផ្សែងហុយទ្រលោមនៅក្នុងផ្ទះលក់តៅហ៊ូ បង្កឲ្យមានការភ្ញាក់ផ្អើល ដល់ប្រជាពលរដ្ឋនៅ ក្បែរខាងនាំគ្នាយកបំពង់ពន្លត់អគ្គិភ័យបាញ់ពន្លត់និងទាក់ទងរថយន្ត ពន្លត់អគ្គិភ័យជាច្រើនគ្រឿងទៅអន្តរាគមន៍បាញ់ពន្លត់ទប់ស្កាត់ទាន់ពេលពុំបណ្ដាលឲ្យឆេះរាដាលធ្ងន់ធ្ងរឡើយ។
តាមនគរបាល មូលដ្ឋានឲ្យដឹងថា អគ្គីភ័យនេះបណ្ដាមកពីឆ្លងចរន្តអគ្គិសនីទូក្លាស្សេ ៕
ចែករំលែកព័តមាននេះ