ប្រតិបត្តិការហិរញ្ញវត្ថុតាម QR កូដ នៃប្រព័ន្ធបាគងរបស់ធនាគារជាតិនៃកម្ពុជា នៅឆមាសទី១ ឆ្នាំ២០២៦ បានស្ទុះឡើងដល់កំណត់ត្រា ប្រមាណជា១ពាន់លានប្រតិបត្តិការ ដែលមានតម្លៃជិត១៣៦ពាន់លាន ។
ធនាគារជាតិនៃកម្ពុជា បានឲ្យដឹងថា នៅក្នុងអំឡុងពេលនេះ ប្រតិបត្តិការជាប្រាក់រៀល សរុបមានទំហំ ៦៦៥,២លាន ប្រតិបត្តិការ នៅក្នុងតម្លៃទូទាត់សរុបចំនួនជិត១៨៤ទ្រីលាន រៀល ឬប្រហែលជា៤៥,៥ពាន់លានដុល្លារ កើនឡើងគួរឱ្យភ្ញាក់ផ្អើល គឺរហូតដល់១២០ភាគរយនៃបរិមាណប្រតិបត្តិការសរុប ។
ទន្ទឹមនឹងនេះ ប្រតិបត្តិការជាប្រាក់ដុល្លារបានកើនឡើងដល់៣៣៩,២ លានប្រតិបត្តិការនៅក្នុងតម្លៃសរុប៩០,៣ ពាន់លានដុល្លារ កើនឡើង ៤០,៩ ភាគរយ។
បាគង ជាប្រព័ន្ធទូទាត់ដែលផ្តួចផ្តើម និងបង្កើតឡើង ហើយបានដាក់ឱ្យដំណើរការនៅក្នុងខែតុលា ឆ្នាំ២០២០ ហើយមកដល់ពេលនេះ ប្រព័ន្ធនេះមានអ្នកប្រើប្រាស់សរុប៣៨ លាននាក់ ហើយការទូទាត់ប្រាក់តាមបាគង ត្រូវបានទទួលយកនៅទូទាំងទីតាំងអាជីវករប្រមាណ ៤,៥ លានទីតាំង ៕
ចែករំលែកព័តមាននេះ