ប្រទេសរុស្ស៊ី ៖ គណៈកម្មាធិការប្រឆាំងភេរវកម្មរុស្ស៊ីគូសបញ្ជាក់ថា គ្រាប់បែកច្នៃ១គ្រាប់បានផ្ទុះក្នុងហាងកាហ្វេមួយនៃក្រុង
មូស្គូ បណ្ដាលឲ្យមនុស្ស៣នាក់ស្លាប់ និងរបួស២១នាក់។ ក្នុងចំណោមអ្នកស្លាប់ទាំង៣នាក់នោះ មានភ្ញៀវម្នាក់ នារី់ដែលជាអ្នកធ្វើឲ្យគ្រាប់បែកផ្ទុះ និងប៉ូលិសម្នាក់ដែលរារាំងនារីនោះមិនឲ្យចូលក្នុងហាង។
បណ្ដាអ្នកស៊ើបអង្កេតព្រមទាំងបណ្ដាអ្នកបច្ចេកទេសរបស់ប៉ូលិសវិទ្យាសាស្ត្ររុស្ស៊ី បានទៅកាន់កន្លែងផ្ទុះ។ វីដេអូនានាផ្សាយតាមតេឡេក្រាម បង្ហាញរូបភាពនៃវត្តមានរថយន្តពន្លត់ភ្លើងនិងរថយន្តសង្គ្រោះជាច្រើន។ រុស្ស៊ីនាគ្រាកន្លងមកជាគោលដៅនៃសកម្មភាពភេរវកម្មជាច្រើន រួមទាំងនៅក្រុងមូស្គូផង។
តាំងពីចាប់ផ្ដើមសង្គ្រាមនៅអ៊ុយក្រែនមក បណ្ដាភ្នាក់ងារសម្ងាត់អ៊ុយក្រែនអះអាង និងទទួលការចោទប្រកាន់ពីការធ្វើឃាតនិងការប៉ុនប៉ងធ្វើឃាត ប្រឆាំងបណ្ដានាយទាហានរុស្ស៊ី ព្រមទាំងបណ្ដាឥស្សរជនសាធារណៈ ដែលគាំទ្រសង្គ្រាមច្រើននាក់។ ឧត្ដមសេនីយរុស្ស៊ី និងអ្នកទទួលខុសត្រូវមូលដ្ឋានតែងតាំងដោយរុស្ស៊ីច្រើននាក់ បានត្រូវស្លាប់និងរបួសក្នុងការវាយប្រហារភេរវកម្មដោយគ្រឿងផ្ទុះជាច្រើន រយៈពេលប៉ុន្មានឆ្នាំចុងក្រោយនេះ ៕
ចែករំលែកព័តមាននេះ