ឃាត់ខ្លួនក្រុមដើរលេងដាច់យប់ប្រសេចប្រសាចតាមផ្លូវ បែ.កធ្លាយព្រះសង្ឃ៣អង្គ
- កំពង់ស្ពឺ
ខេត្តកំពង់ស្ពឺ៖ លោកសង្ឃចំនួន៣អង្គ ស្នាក់នៅក្នុងវត្តមួយកន្លែងក្នុងខេត្តតាកែវ និងក្មេងស្ទាវទំនើងចំនួន១០នាក់ ផ្សេងទៀតត្រូវបានកម្លាំងនគរបាល ស្រុកបសេដ្ឋធ្វើការឃាត់ខ្លួន ខណៈដែលលួចដើរលេងយប់ ហើយកម្លាំងនគរបាលដោយអនុវត្ដតាមបញ្ជាដឹកនាំដ៏ខ្ពង់ខ្ពស់លោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ លោកវរសេនីយ៍ឯក ចន សុភីត អធិការដ្ឋាននគរបាលស្រុកបសេដ្ឋបានបញ្ជាអោយកំលាំងនគរបាលជំនាញចុះសហការដឹកនាំកំលាំងប៉ុស្ដិ៍នគរបាលរដ្ឋបាលទាំង១៥ប៉ុស្ដិ៍ ធ្វេីការល្បាតក្នុងភូមិសាស្ដ្រសំដៅលេីការរក្សាសន្ដិសុខសណ្ដាប់ធ្នាប់សាធារណៈសង្គម អនុវត្ដគោលនយោបាយភូមិ-ឃុំសង្កាត់មានសុវត្ថិភាព កាលពីយប់ថ្ងៃទី២ ខែសីហា ឆ្នាំ២០២៦ កំលាំងជំនាញនៃអធិការដ្ឋានស្រុកបសេដ្ឋធ្វេីការត្រួតពិនិត្យនិងឃាត់ក្រុមក្មេងដេីរដាច់យប់ប្រសេចប្រសាចតាមដងផ្លូវសាធារណៈ ចំនួន៦ក្រុមសរុបចំនួន១៣អង្គ/នាក់ ម៉ូតូ៨គ្រឿង (ក្នុងនោះសង្ឍ ៣អង្គ)។
នគរបាលស្រុកបសេដ្ឋបានបន្តឱ្យដឹងថា÷ ក្រុមទី១- ឃាត់ខ្លួនចំនួន ២នាក់ និងម៉ូតូ១គ្រឿង ឃាត់នៅចំណុចផ្លូវលេខ១៤៥ ស្ថិតក្នុងភូមិត្រពាំងខ្យង ឃុំទួលអំពិល ស្រុកបសេដ្ឋ ឈ្មោះសុិន ចាន់ធូ ភេទប្រុស អាយុ១៩ឆ្នាំ នៅភូមិតាម៉ឺន ឃុំទួលអំពិល ស្រុកបសេដ្ឋ និងឈ្មោះ ព្រុំ វិចិត្រ ភេទប្រុស អាយុ២២ឆ្នាំ រស់នៅក្នុងភូមិកាប់នឹម ឃុំខ្វាវ ស្រុកសំរោង ខេត្តតាកែវ ម៉ូតូម៉ាកហុងដាសេ១២៥ ស្លាកលេខភ្នំពេញ 1AF-0204។
ក្រុមទី២- ឃាត់ខ្លួនមនុស្សចំនួន ៣នាក់ និងម៉ូតូចំនួន២គ្រឿង ឃាត់នៅចំណុចផ្លូវលេខ១៤៥ ក្នុងភូមិត្រពងខ្យង ឃុំទួលអំពិល ស្រុកបសេដ្ឋ មានទី១- ឈ្មោះ ជា ចំរ៉ុង ភេទប្រុស អាយុ១៩ឆ្នាំ រស់នៅក្នុងភូមិត្រពាំងធ្នង់ ឃុំខ្វាវ ស្រុកសំរោង ទី២- ឈ្មោះ សុច វិសាល ភេទប្រុស អាយុ១៩ឆ្នាំ រស់នៅក្នុងភូមិអង្គក្តី ឃុំទួលអំពិល ស្រុកបសេដ្ឋ និងទី៣- ឈ្មោះ កូ រ៉ាវី ភេទប្រុស អាយុ១៧ឆ្នាំ រស់នៅក្នុងភូមិព្រៃញឹក ឃុំខ្វាវ ស្រុកសំរោង ខេត្តតាកែវ ដកហូតម៉ូតូពាក់ផ្លាកលេខ កំពង់ស្ពឺ 1AB-3796 និងមួយគ្រឿងទៀត ពាក់ផ្លាកលេខភ្នំពេញ 1LP-0078។
ក្រុមទី៣- ឃាត់ខ្លួនម្នាក់ និងម៉ូតូ១គ្រឿង ឃាត់នៅត្រង់ចំណុចផ្លូវលេខ១៤៥ ក្នុងភូមិត្រពងខ្យង ឃុំទួលអំពិល ស្រុកបសេដ្ឋ មានឈ្មោះ ហូ ទីវ ភេទប្រុស អាយុ១៥ឆ្នាំ រស់នៅក្នុងភូមិត្រពាំងយួន ឃុំខ្វាវ ស្រុកសំរោង ពាក់ផ្លាកលេខ ភ្នំពេញ 1LX -5643 ។
ក្រុមទី៤- ឃាត់ខ្លួនម្នាក់ និងម៉ូតូ១គ្រឿង ឃាត់នៅត្រង់ចំណុចប្រឡាយ ភូមិត្រពាំងទន្លាប់ ឃុំទួលអំពិល ស្រុកបសេដ្ឋ មានឈ្មោះ រី វិសិទ្ធ ភេទប្រុស អាយុ១៧ឆ្នាំ រស់នៅក្នុងភូមិ អង្គខ្វាវ ឃុំខ្វាវ ស្រុកសំរោង ខេត្តតាកែវ ពាក់ផ្លាកលេខភ្នំពេញ 1MP-3017។
ក្រុមទី៥- ឃាត់ខ្លួនមនុស្សចំនួន ៥នាក់ និងម៉ូតូចំនួន២គ្រឿង ឃាត់ត្រង់ចំណុចលើផ្លូវកៅស៊ូ ភូមិក្រសាំងតាគង់ ឃុំនិទាន ស្រុកបសេដ្ឋ មានឈ្មោះទី១- ញាន មេសា ភេទប្រុស អាយុ២០ឆ្នាំ រស់នៅក្នុងភូមិធន់មន់ ឃុំបារាយណ៍ ក្រុងដូនកែវ ខេត្តតាកែវ ទី២~ មុត ខេតា ភេទប្រុស អាយុ១៨ឆ្នាំ រស់នៅក្នុងភូមិស្រែ ឃុំលាបូរ ស្រុកត្រាំកក់
ទី៣- ឈ្មោះ ជា ចិត្ត្រា ភេទប្រុស អាយុ១៩ឆ្នាំ (ជាសង្ឃ)
ទី៤- ឈ្មោះ ឃុត ប៊ុនលាភ ភេទប្រុស អាយុ១៩ឆ្នាំ (ជាសង្ឃ) ស្នាក់នៅក្នុង វត្ដលាចបូរ
និងទី៥- ឈ្មោះ ផន សុខអភិរ័ក្ស ភេទប្រុស អាយុ២១ឆ្នាំ (ជាសង្ឃ) ស្នាក់នៅក្នុងវត្តអង្គរមេត្រី ស្ថិតនៅក្នុងឃុំរលាំងគ្រើល ស្រុកសំរោងទង ខេត្តកំពង់ស្ពឺ។ ដកហូតម៉ូតូចំនួន២គ្រឿង ពាក់ផ្លាកលេខភ្នំពេញ1JQ-33 06 និងពាក់ផ្លាកលេខតាកែវ1G-1930។
និងក្រុមទី៦- ចំនួនម្នាក់ ឃាត់នៅផ្លូវកៅស៊ូ ភូមិក្រសាំងតាគង់ ឃុំនិទាន ស្រុកបសេដ្ឋ មាន ឈ្មោះ ងឿន តាំងអ៊ួយ ភេទប្រុស អាយុ២៧ឆ្នាំ រស់នៅក្នុងភូមិដីក្រហម ឃុំនិទាន ស្រុកបសេដ្ឋ ម៉ូតូពាក់ផ្លាកលេខ កំពង់ស្ពឺ1Z-5029។
នគរបាលស្រុកបសេដ្ឋបានបញ្ជាក់ឱ្យដឹងទៀតថា ចំពោះមុខសញ្ញាក្មេង៦ក្រុម យកមកសួរនាំនិងស្រាវជ្រាវរកករណីពាក់ព័ន្ធអញ្ជេីញអាណាព្យាបាលមកធ្វើកិច្ចសន្យាអប់រំ កោសក់ ដកហូតម៉ូតូរក្សាទុករយៈពេល៩០ថៃ្ង។
ចំណែកលោកសង្ឃ៣អង្គ ដែលលួចចេញពីវត្ដដេីរលេងប្រាកចាកនិងខុសច្បាប់ព្រះវិន័យសង្ឃប្រគល់ជូនការិយាល័យធម្មការនិងសាសនាចំណាត់ការបន្តតាមវិន័យ៕
ចែករំលែកព័តមាននេះ