ព្យាបាលសិស្សរៀនពូកែម្នាក់ស្លា.ប់ដោយសារគ្រុនឈា.ម ជាប់ចោទពេទ្យត្បាញអាយ
- កំពង់ចាម
ខេត្តកំពង់ចាម ៖ ពិតជាគួរឱ្យអាណិតអាសូរជាពន់ពេក ដោយក្មេងស្រីឈ្មោះ សុង បូរ៉ែន អាយុ ១៣ឆ្នាំ នៅភូមិមហាលាភជើង ឃុំមហាលាភ ស្រុកកោះសូទិន ជាសិស្សរៀនពូកែតាំងពីថ្នាក់ទី ១ រហូតដល់ទី ៦ ដោយបានចំណាត់ថ្នាក់លេខ ១ រាល់ខែមានមិត្តភក្តិលោកគ្រូ អ្នកគ្រូ ស្រឡាញ់គ្រប់ៗគ្នា ។ តែគួរឱ្យអាណិតដោយសារតែជំងឺគ្រុនឈាមបណ្ដាលឱ្យស្លាប់ដោយសារតែគ្រូពេទ្យត្បាញអាយមិនមានសញ្ញាបត្រ ។
អ្នកស្រី ខាន់ វ៉ាន់ឈីម អាយុ ៤៦ឆ្នាំ រស់នៅឃុំមហាលាភ បានរៀបរាប់ឲ្យដឹងនារសៀលថ្ងៃទី ២៩ កក្កដា ឆ្នាំ ២០២៦ ថា ដំបូងក្មួយប្រុសឈ្មោះ នី សុចិត្រា អាយុ ១៥ឆ្នាំ មានអាការៈក្តៅខ្លួនបានទៅរកពេទ្យស្រ៊ីន នៅផ្សារជីហែរជួសឈាមមើលឃើញរលាកក ពេលឱ្យថ្នាំលេបក៏បានជាសះស្បើយ ។ បន្ទាប់មកកូនស្រីឈ្មោះ សាយ សុនីតា អាយុ ១៧ឆ្នាំ ក្តៅខ្លួនពេលជួសឈាមឃើញគ្រុនឈាម និងកូនស្រីឈ្មោះ សាយ សុនីដេត អាយុ ៩ឆ្នាំ ក្តៅខ្លួនជួសឈាមមើលឃើញគ្រុនឈាមទៀត ទាំងក្មួយ និងកូនស្រីពីរនាក់ ពេទ្យស្រ៊ីន មើលជាសះស្បើយ ត្រឡប់មកផ្ទះវិញ ។
អ្នកស្រី វ៉ាន់ ឈីម បានប្រាប់បន្តឲ្យដឹងទៀតថា ក្នុងរដូវភ្លៀងធ្លាក់ផ្ទះរបស់គាត់ជុំវិញមានព្រៃ ដែលជាហេតុអោយមូសខាំក្មួយឈ្មោះ បូរ៉ែន ស្រាប់តែក្តៅខ្លួនដោយបានឌុបតាមតុកតុក យកទៅផ្ទះពេទ្យស្រ៊ីន ដដែលខណៈជួសឈាមឃើញគ្រុនឈាម ។ គាត់បានចាក់ថ្នាំហ្នឹងបន្តោងសេរ៉ូមឲ្យ តែអាការៈរបស់ក្មួយមិនធូរស្រាលនោះទេ ចុងក្រោយបាននាំមកមន្ទីរពេទ្យបង្អែកស្រុកកោះសូទិន តែស្ថានភាពជម្ងឺចេះតែដុនដាប ក៏ត្រូវបញ្ជូនតាមរថយន្តសាម៉ុយមកសង្គ្រោះនៅមន្ទីរពេទ្យខេត្ត គួរឱ្យអាណិតណាស់បានតែ២ម៉ោងក្មួយក៏បានលាចាកលោកពិតជាគួរឲ្យសោកស្ដាយបំផុតនៅថ្ងៃទី ២៥ កក្កដា ឆ្នាំ ២០២៦ ។
អ្នកស្រីខាន់ បូរិន អាយុ ៣៧ឆ្នាំ ត្រូវជាម្ដាយនៃសពបានរៀបរាប់ទាំងទឹកភ្នែកថា ដោយសារតែជីវភាពខ្វះខាតគាត់បានចេញទៅធ្វើការឱ្យគេនៅរាជធានីភ្នំពេញជាមួយនឹងប្ដីដោយទុក្ខកូនស្រីឱ្យបងស្រីឈ្មោះ វ៉ាន់ឈីម ជួយមើលថែទាំគាត់បានទទួលដំណឹងថាកូនស្រីមានជំងឺគ្រុនឈាមក៏បានធ្វើដំណើរទាំងប្រញាប់ ដើម្បីអោយទាន់ដង្ហើមកូនតែគួរអនិច្ចាបានពាក់កណ្ដាលផ្លូវ បងស្រីទូរស័ព្ទមកប្រាប់ថាកូនស្លាប់ទៅហើយគ្រាន់តែឮពិតជារន្ធត់យំទឹកភ្នែកអាណិតកូនណាស់ ដោយគាត់ស្រឡាញ់កូនប្រៀបដូចជាគ្រាប់ពេជ្រមួយដុំ ។
លោកគ្រូពេទ្យវិសាល បម្រើការងារនៅការិយាល័យសុខាភិបាលស្រុកកោះសូទិន បានប្រាប់ឲ្យដឹងនាល្ងាចថ្ងៃទី ២៩ កក្កដា ថា ក្មេងស្រីឈ្មោះ សុង បូរ៉ែន អាយុ ១៣ឆ្នាំ បានទៅឲ្យពេទ្យឈ្មោះ គាត គឹមស្រ៊ីន បើកឃ្លីនិកនៅផ្សារជាហែរ ស្រុកកោះសូទិន ព្យាបាលជំងឺគ្រុនឈាម ជាហេតុបណ្ដាលឱ្យមានក្មេងស្រីរូបនេះស្លាប់ ។ រហូតមកដល់ព្រឹកថ្ងៃទី ២៩ កក្កដាឆ្នាំ ២០២៦ កម្លាំងរបស់មន្ទីរសុខាភិបាលខេត្តបានសហការជាមួយអាជ្ញាធរមូលដ្ឋានដោយសម្រេចចុះបិទគ្លីនិកមួយនេះ ។ សូមបញ្ជាក់ថាពេទ្យឈ្មោះ ស្រ៊ីន ពុំមានសញ្ញាបត្រនោះទេ គឺបានយកឈ្មោះរបស់ក្មួយចម្រើន កិរិយា មកបើកដើម្បីមើលថែទាំអ្នកជំងឺជាច្រើនឆ្នាំមកហើយ ក្រោយពីមានករណីស្លាប់ក្មេងស្រីនេះកើតឡើងមន្ទីរសុខាភិបាល និងដាក់ពិន័យទៅលើកិរិយា…។ ចំពោះចំណាត់ការឃាត់ខ្លួនពេទ្យស្រ៊ីន គឺមិនទាន់មាននៅឡើយទេ ។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ