សុខភាព៖ យោងតាមការចុះផ្សាយពីប្រភពបរទេស អ្នកជំនាញដំណេកព្រមានថា ការប្រើទូរស័ព្ទយូរមុនចូលគេង អាចរំខានដល់នាឡិកាជីវសាស្ត្ររបស់រាងកាយ និងធ្វើឱ្យគេងលក់យឺត ដោយសារពន្លឺពណ៌ខៀវពីអេក្រង់អាចរារាំងការបញ្ចេញអ័រម៉ូនមេឡាតូនីនដែលជួយឱ្យរាងកាយមានអារម្មណ៍ងងុយគេង។
ដើម្បីកែលម្អការគេង អ្នកជំនាញណែនាំឱ្យឈប់ប្រើទូរស័ព្ទ ៣០-៦០នាទីមុនគេង បន្ថយពន្លឺអេក្រង់ ប្រើ Night Mode ជៀសវាងមើលព័ត៌មានតានតឹង ឬវីដេអូដែលធ្វើឱ្យខួរក្បាលសកម្ម និងកុំដាក់ទូរស័ព្ទជិតខ្នើយ។
ការកែប្រែទម្លាប់តូចៗមុនចូលគេង អាចជួយឱ្យខួរក្បាលសម្រាកបានល្អ បង្កើនគុណភាពដំណេក និងធ្វើឱ្យរាងកាយស្តារថាមពលបានប្រសើរឡើង៕
ចែករំលែកព័តមាននេះ