ប្រទេសអង់គ្លេស ៖ ប្រមុខថ្មីនៃគណបក្សការងារអង់គ្លេស លោកអានឌីប៊នហាម កាលពីថ្ងៃទី២០ កក្កដា បានឡើងកាន់តំណែងនាយករដ្ឋមន្ត្រីថ្មីចក្រភពអង់គ្លេសជំនួសលោកគៀរស្តាម័រ ។
បុរសវ័យ៥៦ឆ្នាំរូបនោះ ជាអភិបាលក្រុងហ្គ្រង់ម៉ាន់ឆេស្ទ័រ ភាគខាងជើងអង់គ្លេស រហូតដល់ខែមិថុនា បានឡើងបន្តតំណែងពីលោកគៀរស្តាម័រ ដែលបានសុំលាលែងចេញពីតំណែង ។ បន្ទាប់ពីទទួលបានការគាំទ្រដោយសមាជិកសភានៃគណបក្សការ ងារដល់៩៥% លោកអានឌីប៊នហាម បានក្លាយជាប្រមុខគណបក្សការងារកាលពីថ្ងៃទី១៧ កក្កដា ដែលបន្ទាប់ពីនេះ លោកត្រូវក្លាយជានាយករដ្ឋមន្ត្រី ។
លោកគៀរស្តាម័រ ប្រកាសពីការលាលែងចេញពីតំណែងកាលពីថ្ងៃទី២២ មិថុនា ក្រោយពីប្រជាប្រិយភាពរបស់លោកត្រូវបានធ្លាក់ចុះខ្លាំង និងមានការមិនសប្បាយចិត្តខ្លាំងក្នុងផ្ទៃគណបក្សលោក ដោយសារការសម្រេចចិត្តមិនត្រូវនានា និងមានសង្គ្រាមប៉ាកាក្នុងផ្ទៃរដ្ឋាភិបាលលោក ហើយរដ្ឋមន្ត្រីច្រើនរូបបានសុំលាលែង និងបរាជ័យក្នុងការបោះឆ្នោតមូលដ្ឋាន៕
ចែករំលែកព័តមាននេះ