ខេត្តព្រះសីហនុរៀបចំពិធីដុ.តបំផ្លាញគ្រឿងញៀ.នខុសច្បាប់ ក្នុងទិវាអន្តរជាតិប្រឆាំងគ្រឿងញៀ.ន
- ព្រះសីហនុ
ខេត្តព្រះសីហនុ ៖ រដ្ឋបាលខេត្តព្រះសីហនុ ប្រារព្ធទិវា អន្តរជាតិប្រយុទ្ធប្រឆាំងគ្រឿងញៀន ថ្ងៃទី២៦ ខែមិថុនា ឆ្នាំ២០២៦ ក្រោមប្រធានបទ «រួមគ្នាឆ្លើយតបបញ្ហាគ្រឿង ញៀន ក្នុងបរិបទថ្មីប្រកបដោយភាពច្នៃប្រឌិត» និងពិធីដុតបំផ្លាញវត្ថុតាងគ្រឿងញៀន,,,,! ។
ព្រឹកថ្ងៃទី១៦ ខែកក្កដាឆ្នាំ២០២៦ រដ្ឋបាលខេត្តព្រះសីហនុ បានរៀបចំដុតបំផ្លាញវត្ថុតាងគ្រឿងញៀនខុសច្បាប់ស្ថិតនៅភូមិ១ សង្កាត់លេខ១ ក្រុង/ខេត្តព្រះសីហនុ ក្រោមអធិបតីភាព លោក នាយឧត្តមសេនីយ៍ មាស វិរិទ្ធ អគ្គលេខា ធិការនៃអាជ្ញាធរជាតិប្រយុទ្ធប្រឆាំងគ្រឿងញៀន និង លោក ម៉ាង ស៊ីណេត អភិបាលនៃគណៈអភិបាល ខេត្តព្រះសីហនុ ។
លោកម៉ាង ស៊ីណេត អភិបាលខេត្តព្រះសីហនុ បានស្វាគមន៍ទិវាអន្តរជាតិប្រយុទ្ធប្រឆាំងគ្រឿងញៀនថ្ងៃទី២៦ ខែមិថុនា ឆ្នាំ២០២៦ ក្រោមប្រធានបទ «រួមគ្នាឆ្លើយតបបញ្ហាគ្រឿងញៀន ក្នុងបរិបទថ្មីប្រកបដោយភាពច្នៃប្រឌិត» និងពិធីដុតបំផ្លាញវត្ថុតាងគ្រឿងញៀននា ពេលនេះ ក្នុងស្មារតីបំផុសឱ្យមានចលនាជាតិ ចូលរួមយ៉ាងសកម្មក្នុងយុទ្ធនាការប្រឆាំងនឹងគ្រឿងញៀន ព្រមទាំងបញ្ជ្រាបការងារនេះទៅតាមវិស័យសំខាន់ៗដូចជា វិស័យសិល្បៈ វិស័យកីឡា បញ្ជ្រាបតាមការចូលរួមរបស់សិស្សានុសិស្ស និងយុវជន។
លោក អភិបាលខេត្តក៏បានកោតសរសើរចំពោះកងកម្លាំងប្រដាប់អាវុធគ្រប់លំដាប់ថ្នាក់ គណៈកម្មាធិការត្រួតពិនិត្យគ្រឿងញៀនខេត្តព្រះសីហនុដែលបានខិតខំប្រឹងប្រែងយ៉ាងសកម្មដោយមិនគិតយប់ថ្ងៃនិងការនឿយហត់ ក្នុងបេសកកម្មដ៏ឧត្តុង្គឧត្តម និងមានសារៈសំខាន់សម្រាប់ជាតិមាតុភូមិ តាមរយៈការចូលរួមក្នុងការងារប្រយុទ្ធប្រឆាំងគ្រឿងញៀន នាពេលកន្លងមកប្រកបដោយការទទួលខុសត្រូវខ្ពស់ ប្រសិទ្ធ ភាព និងតម្លាភាពរួមបចំណែកលើកកម្ពស់អភិបាលកិច្ចល្អ ភាពស្អាតស្អំ និងភាពជាគំរូនៃការអនុវត្តច្បាប់ស្របតាមប្រសាសន៍ដឹកនាំដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ដែលបានគូសបញ្ជាក់ថា ការ ប្រយុទ្ធប្រឆាំងគ្រឿងញៀននៅកម្ពុជា នឹងត្រូវផ្លាស់ប្តូរពីពាក្យថា «វែកចក» ទៅជា «ការសម្អាតចក ចេញពីផ្ទៃបឹង និងរក្សាផ្ទៃបឹងឱ្យស្អាតថ្លាជាប្រចាំ» ដើម្បីប្រែក្លាយសង្គមជាតិមួយទៅជាសង្គមដែលរឹងមាំ មានសុខសុវត្ថិភាព សណ្តាប់ធ្នាប់ និងការអភិវឌ្ឍប្រកប ដោយចីរភាព និងបរិយាបន្ន ជាពិសេស ជាប្រទេសជាតិ មួយដែលមានកម្លាំងចលករប្រយុទ្ធប្រឆាំងគ្រឿងញៀនដ៏រឹងមាំខ្លាំងក្លាពីគ្រប់វិស័យ ប្រកបដោយឆន្ទៈស្មារតីខ្ពស់និងការឆ្លើយតបប្រកបដោយឧត្តមនវានុវត្តន៍ ស្របតាមខ្លឹមសារស្នូល នៃប្រធានបទទិវារបស់យើងគឺ «រួមគ្នាឆ្លើយតបបញ្ហាគ្រឿងញៀន ក្នុងបរិបទថ្មីប្រកប ដោយភាពច្នៃប្រឌិត»។ ការងារ ប្រយុទ្ធប្រឆាំងគ្រឿងញៀននៅតែជាបេសកកម្មអាទិភាពចម្បងមួយ ដែលរាជ រដ្ឋាភិបាលបន្តយកចិត្តទុកដាក់ដោះ ស្រាយ ដែលបន្សល់ទុកដោយសម្តេចអគ្គមហាសេនាបតីតេជោ ហ៊ុន សែន ជាបិតាស្ថាបនិកសន្តិភាព និងជាអគ្គមគ្គុទេ្ទសក៍ឯកដ៏ឆ្នើមនៃកម្ពុជា។
លោក នាយឧត្តមសេនីយ៍ មាស វិរិទ្ធ អគ្គលេខា ធិការនៃអាជ្ញាធរជាតិប្រយុទ្ធប្រឆាំងគ្រឿងញៀន បានធ្វើការកោតសរសើរចំពោះកងកម្លាំងប្រដាប់អាវុធ គណៈកម្មាធិការប្រយុទ្ធប្រឆាំងគ្រឿងញៀនខេត្ត ព្រមទាំងធ្វើការអំពាវនាវដល់ប្រជាពលរដ្ឋចាត់ទុកបញ្ហាគ្រឿងញៀនជាបញ្ហារួម ដែលត្រូវចូលរួមដោះស្រាយទាំងអស់គ្នា។ យុវជន យុវនារី សិស្សានុសិស្ស និងនិស្សិត ត្រូវបន្តពង្រឹងការសិក្សា អភិវឌ្ឍជំនាញ សីលធម៌ វិន័យ និងសមត្ថភាពឌីជីថលដើម្បីក្លាយជាធនធានមនុស្សប្រកបដោយគុណវុឌ្ឍសម្រាប់ការអភិវឌ្ឍន៍ប្រទេសជាតិ និងត្រូវធ្វើជាគំរូល្អ ក្នុងការបដិសេធគ្រឿងញៀន បារីអេឡិចត្រូនិកនិងអបាយមុខគ្រប់ប្រភេទ ព្រមទាំងចូលរួមផ្សព្វផ្សាយសារអប់រំដល់មិត្តភក្តិក្រុមគ្រួសារ និងសហគមន៍។
យោងតាមអនុសាសន៍របស់សម្ដេចធិបតី នាយករដ្ឋមន្ត្រី ខ្ញុំសូមអំពាវនាវដល់បងប្អូនទាំងអស់ជាពិសេសយុវជន យុវនារី សិស្សានុសិស្ស សូមទាញយក និងប្រើប្រាស់ឱ្យបានទូលំទូលាយនូវកម្មវិធីទូរស័ព្ទដៃ NoDrug របស់អាជ្ញាធរជាតិប្រយុទ្ធប្រឆាំងគ្រឿងញៀន ដែលជាឃ្លាំងនៃចំណេះដឹងនិងប្រព័ន្ធអប់រំដ៏មានវិសាលភាពមួយសម្រាប់ទទួលបានការកម្សាន្តបែបអប់រំ, ខ្លឹមសារ មេរៀនសំខាន់ៗពាក់ព័ន្ធពីបញ្ហាគ្រឿងញៀននិងដើម្បីស្វែងយល់ពីសេវាបន្សាបព្យាបាលនិងស្ដារនីតិសម្បទា។ ព្រោះកម្មវិធីទូរស័ព្ទដៃ NoDrug ជាមធ្យោបាយរាយការណ៍សម្ងាត់និងមាន ប្រសិទ្ធភាពបំផុត អំពីករណីចែកចាយ និងប្រើប្រាស់គ្រឿងញៀនក្នុងសហគមន៍ដែលជាស្ពានដ៏សំខាន់ក្នុងការតភ្ជាប់ទំនាក់ទំនងរវាងពលរដ្ឋក្នុងសហគមន៍ជាមួយសមត្ថកិច្ច។ អាជ្ញាធរមូលដ្ឋាននិងកងកម្លាំងអនុវត្តច្បាប់គ្រប់ប្រភេទ បន្តអនុវត្តវិធានការបង្ការ ទប់ស្កាត់ និងបង្ក្រាបបទល្មើសគ្រឿងញៀននិងបារីអេឡិចត្រូនិកឱ្យបានម៉ឺងម៉ាត់មាន ប្រសិទ្ធភាព ស្របតាមច្បាប់ជាធរមាន។
លោក ក៏បានខ្ញុំក្រើនរំលឹកដល់ លោកអភិបាលក្រុង-ស្រុក ត្រូវបន្តយកចិត្តទុកដាក់លើការងារបង្ក្រាបបទល្មើសគ្រឿងញៀនក្នុងមូលដ្ឋានរបស់ខ្លួន ដោយចុះធ្វើរដ្ឋបាលជាប់ប្រចាំ ដោយលើទីតាំងដែលសង្ស័យនិងចាត់វិធានការរដ្ឋបាលនិងដោះស្រាយឱ្យបានទាន់ពេលរាល់បណ្ដឹងពីករណីគ្រឿងញៀនដោយផ្ទាល់ ឬតាម App NoDrugក្តី ព្រមទាំងយកចិត្តទុកដាក់រៀបចំសណ្តាប់ធ្នាប់បរិវេណជុំវិញសាលារៀន និងគ្រឹះស្ថានសិក្សា ឱ្យមានរបៀបរៀបរយ ជៀសវាងការប្រព្រឹត្តអំពើអបាយមុខ និងការសេពគ្រឿង ញៀន។
សូមលើកទឹកចិត្តដល់វិស័យឯកជន ក្រុមហ៊ុន គ្រឹះស្ថាន អង្គការជាតិ និងអន្តរជាតិនានាចូលរួមវិនិយោគជាមួយរាជរដ្ឋាភិបាលក្នុងការងារប្រយុទ្ធប្រឆាំងគ្រឿងញៀននិងសូមឱ្យគោលការណ៍សម្អាតផ្ទះយើងនិងសម្អាតចកចេញពីបឹង តាមគោលការណ៍និងស្មារតីរបស់ជាតិទាំងមូល។ មាតាបិតា និងអាណាព្យាបាលត្រូវបន្តយកចិត្តទុកដាក់ការអប់រំ តាមដានកូនចៅរបស់ខ្លួនជាប្រចាំ។ ព្រោះគ្រួសារ គឺជារបងការពារដំបូងសម្រាប់កុមារ និងយុវជន។ ដូច្នេះ មាតាបិតាត្រូវស្វែងយល់អំពីការវិវត្តរបស់កូនចៅទាំងផ្នែកសិក្សាទំនាក់ទំនងសង្គមបានទាន់ពេលវេលា។
សូមបញ្ជាក់ថា គ្រឿងញៀនដែលត្រូវបានធ្វើការដុតបំផ្លាញចោលក្នុងទិវា អន្តរជាតិប្រយុទ្ធប្រឆាំងគ្រឿងញៀនមានចំនួន ១តោន ១៥៣គីឡូ , ៧៣,៨៩ក្រាមនិងសារធាតុគីមីធ្វើការបន្សាបទម្ងន់ ១តោន ១៩៤គីឡូ ២៧៨,៤៩ក្រាម ៕
ចែករំលែកព័តមាននេះ