អ្នកមានគម្រោងធ្វើដំណើរទៅតំបន់សមុទ្រ និងតាមភ្នំ គួរយកចិត្តទុកដាក់ ពីព្រោះឥទ្ធិពលនៃព្យុះទី១១ ដែលមានឈ្មោះថា ហៃសិន វាអាចបង្កឲ្យមានភ្លៀង ផ្គររន្ទះ និងខ្យល់កន្ត្រាក់នៅតំបន់នោះ ដល់ទៅ៧០ភាគរយ ឯណោះ ។
ក្រសួងធនធានទឹក និងឧតុនិយ មបានប្រកាស កាលពីថ្ងៃទី១៣ ខែកក្កដាថា កម្ពុជាមិនស្ថិតនៅចំគន្លងព្យុះនេះទេ ប៉ុន្តែចាប់ពីថ្ងៃទី១៤ ដល់១៨ ខែកក្កដា ឆ្នាំ២០២៦ ឥទ្ធិពលរបស់វា អាចធ្វើឲ្យតំបន់មាត់សមុទ្រ និងភ្នំខ្ពង់រាបរងគ្រោះបន្ថែមទៀត ។
បាតុភូតភ្លៀង ផ្គររន្ទះ និងខ្យល់កន្ត្រាក់នៅក្នុងអំឡុងពេលនេះ ត្រូវព្យាករណ៍ថា អាចកើតមានដល់ទៅ៧០ភាគនៅខេត្តកំពង់ស្ពឺ ប៉ែលិន ឧត្តរមានជ័យ ព្រះវិហារ ក្រចេះ ស្ទឹងត្រែង រតនៈគិរី មណ្ឌលគិរី កែប កំពត កោះកុង ព្រះសីហនុ កំពង់ស្ពឺ ជួរភ្នំដងរ៉ែក ជួរភ្នំក្រវាញ និងជួរភ្នំបូកគោក ។
ដោយឡែក តំបន់ទំនាបកណ្តាល ដូចជានៅបន្ទាយមានជ័យ បាត់ដំបង ពោធិ៍សាត់ កំពង់ឆ្នាំង សៀមរាប កំពង់ធំ កំពង់ចាម ត្បូងឃ្មុំ ព្រែវែង កណ្តាលតាកែវ ស្វាយរៀង និងរាជធានីភ្នំពេញ អាចរងបាតុភូត ភ្លៀង ផ្គររន្ទះ និងខ្យល់កន្ត្រាក់នេះ ៥០ ភាគរយដែរ ។
នៅប៉ុន្មានថ្ងៃចុងក្រោយនេះ ភ្លៀងធ្លាក់ច្រើនបានកើតមាននៅខេត្តភូមិសាស្ត្រមួយចំនួននៅក្នុងខេត្តកោះកុង ព្រះសីហនុ កំពត កំពង់ស្ពឺជាដើម បណ្តាលឲ្យលិចលង់ រំខានភ្ញៀវទេសចរ និងបង្កការលំបាកជាច្រើនដល់ជីវភាពពលរដ្ឋ ៕
ចែករំលែកព័តមាននេះ