ប្រទេសថៃ ៖ មនុស្សយ៉ាងតិច២៧នាក់ស្លាប់ និង៦៣នាក់រងរបួស ដោយសារភ្លើងឆេះបាមួយនៅក្រុងបាងកក កាលពីយប់ថ្ងៃទី១២ កក្កដា ។ នេះបើតាមសេចក្ដីរាយការណ៍របស់អភិបាលក្រុងបាងកក លោក CHADCHART SITTIPUNT កាលពីថ្ងៃទី១៣កក្កដា ។
ថ្លែងទៅកាន់បណ្ដាសារព័ត៌មានក្នុងស្រុក ក្រោយទៅពិនិត្យកន្លែងមានភ្លើងឆេះ អភិបាលក្រុងបាងកករូបនោះពន្យល់ថា ពួកអ្នកពន្លត់ភ្លើងបានទៅដល់កន្លែងភ្លើងឆេះ ក្រោយទទួលសេចក្ដីរាយការណ៍ តែភ្លើងបានឆេះរាលដានយ៉ាងលឿនចូលក្នុងបានេះរួចទៅហើយ ពេលពួកគេទៅដល់ ។ អគ្គិភ័យនោះ បណ្ដាលឲ្យមនុស្សស្លាប់២៧នាក់ និងរបួស៦៣នាក់ ក្នុងនោះ២២នាក់ របួសធ្ងន់។ តាមអភិបាលក្រុងបាងកកថា ក្នុងចំណោមអ្នកស្លាប់ទាំង២៧នាក់ មានតែ៦នាក់ប៉ុណ្ណោះ អាចកំណត់ដឹងអត្តសញ្ញាណរហូតមកទល់ពេលនេះ។ អាទិភាពបន្ទាន់ គឺការផ្ដល់ដំណឹងដល់សាច់ញាតិគ្រួសារអ្នកស្លាប់ និងរបួស។
តាមបណ្ដាសារព័ត៌មានក្នុងស្រុកថា ពួកអ្នកជួយសង្គ្រោះបានរកឃើញទូរស័ព្ទដៃច្រើនគ្រឿងនៅក្នុងបានេះ។ ក្នុងចំណោមទូរស័ព្ទទាំងនេះមួយចំនួនមានការតេមករបស់សាច់ញាតិបងប្អូន ឬមិត្តភក្ដិជនរងគ្រោះ ។ ពួកអ្នកជួយសង្គ្រោះក៏បានទាក់ទង ដើម្បីជួយកំណត់អត្តសញ្ញាណជនរងគ្រោះ និងទាក់ទងមកគ្រួសារពួកគេ។
ទាក់ទិននឹងមូលហេតុនៃភ្លើងឆេះនោះ ពួកអ្នកនៅរស់រានមានជីវិត ថ្លែងទៅកាន់បណ្ដាសារព័ត៌មានក្នុងស្រុកថា ផ្សែងយ៉ាងក្រាស់ដំបូងហុយចេញឌីសហ្សុងទ័រមួយស្ថិតនៅជិតឆាក។ បន្ទាប់មក ក៏មានការដាច់ភ្លើង និងមានការផ្ទុះមួយ ហើយបន្ទាប់ពីនេះក៏មានភ្លើងឆាបឆេះរាលដាលយ៉ាងលឿន ។
ការត្រួតពិនិត្យដំបូងឃើញថា ពិដានរបស់បានោះត្រូវបំផ្លាញទាំងស្រុងដោយអណ្ដាតភ្លើង ហើយកៅអីអង្កុយធ្វើពីប្លាស្ទិកភាគច្រើនត្រូវភ្លើងឆេះនាំឲ្យគេគិតថា ផ្សែងពុលអាចជាមូលហេតុសំខាន់នៃការស្លាប់មនុស្សច្រើន ។ បណ្ដាសារព័ត៌មានថៃរៀបរាប់ថា ក្នុងចំណោមអ្នកស្លាប់មានបុរស៩នាក់ និងនារី១៨នាក់ ភាគច្រើនរកឃើញនៅក្បែរបន្ទប់ទឹក ៕
ចែករំលែកព័តមាននេះ