ម្ចាស់ចម្ការទុរេនស្ទើរគាំ.ងបេះដូង ត្រូវចោរចូលលួ.ចបេះបង្ហើយពីដើម អស់រាប់លានរៀល ខណៈជិតដល់ថ្ងៃលក់ឱ្យម៉ូយ
- ប៉ៃលិន
ខេត្តប៉ៃលិន ៖ ម្ចាស់ចំការ មានការស្លុតនៅក្នុងចិត្តស្ទើរគាំងបេះដូង ដោយសារតែក្រុមលោកចោរមួយក្រុមបាននាំគ្នាចូលទៅលួចបេះផ្លែទុរេនអស់ជិត២០០ផ្លែ ខណ:ដែលម្ចាស់ចំការជិតដល់ថ្ងៃបេះបង្ហើយ លក់ឱ្យម៉ូយ ដើម្បីប្រមូលថវិកាទិញជី តុបតែងដើមថែទាំបំប៉ន ឱ្យដើមលូតលាស់ល្អ និងផ្លែច្រើននៅឆ្នាំក្រោយទៀត ។ តែអ្វីដែលគួរឱ្យហួសចិត្តនោះ គឺត្រូវបានក្រុមចោរលួចចូលទៅបេះបង្ហើយស្ទើរតែអស់ពីដើមតែម្តង។
ប្រភពព័ត៌មានបានឱ្យដឹងថា ៖ ម្ចាស់ចម្ការទុរេន មាន ឈ្មោះ ទូច ប៉ង់ ភេទប្រុស រស់នៅភូមិអូរតាពុកលើ សង្កាត់ប៉ៃលិន ក្រុងប៉ៃលិន ខេត្តប៉ៃលិន ដោយលោកមានចម្ការទុរេន១កន្លែងនៅចំណុចខាងលើ ហើយក៏បានដាំដើមទុរេនជាច្រើន រហូតដល់បានទទួលផលផ្លែ។ ប្រភពបន្តទៀតថា នៅឆ្នាំ២០២៦នេះ លោកបានប្រមូលផលលក់ជាបណ្តើរៗ ដោយសារតែមានផ្លែជាង២០០ដើម មិនទាន់ទុំអាចប្រមូលបានក៏បិទទ្វារចាក់សោររង់ចាំប៉ុន្មានថ្ងៃទៀត ទើបប្រមូលផល ខណៈដែលម្ចាស់កំពុងរវល់លក់ដូរនៅក្នុងផ្សារប៉ៃលិន។
ប្រភពដដែលបញ្ជាក់ទៀតថា ចំការខាងលើ ស្ថិតនៅភូមិកូនភ្នំ សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន ដោយនៅឆ្នាំនេះ ពេលទុរេនផ្កាផ្លែរហូតដល់ទុំ លោកក៏បានបេះលក់ជារៀងរាល់ថ្ងៃដោយក្នុង១គីឡូក្រាម លក់ឱ្យអតិថិជនតម្លៃ១៥០០០រៀល ។ តែនៅវេលាប្រហែលម៉ោង២និង០០នាទីទៅម៉ោង៣និង០០នាទីទាបភ្លឺឈានចូលថ្ងៃទី១០ ខែកក្កដា ឆ្នាំ២០២៦ ចុងសប្តាហ៍នេះ ស្រាប់តែក្រុមចោរបាននាំគ្នាឡើងលើរបងលួសសំណាញ់ចូលទៅលួចបេះផ្លែទុរេនអស់ជាច្រើនផ្លែ ព្រោះជិតដល់ពេលប្រមូលផលទៅហើយ។ បើតាមការដើររាប់ស្នាមដែលក្រុមចោរទាញផ្តាច់ប្រហែលចំនួន១៦២ផ្លែស្មើនឹងប្រហែល៥០០គីឡូក្រាម សរុបជាទឹកប្រាក់ជាង៧លានរៀល។
លោកបញ្ជាក់បន្ថែមទៀតថា កន្លងមកនៅឆ្នាំ២០២៦នេះ ក៏ធ្លាប់មានចោរចូលទៅលួចបេះផ្លែទុរេនរបស់ខ្លួនដែរ។ តែបាត់បន្តិចបន្តួចប៉ុណ្ណោះ គឺនៅលើកទី១ បាត់អស់ប្រហែល៩ផ្លែ លើកទី២ បាត់អស់ជាង២០ផ្លែ។ ដោយឡែកនៅលើកទី៣នេះ គឺចោរចូលទៅបេះបង្ហើយអស់តែម្តង។ លោកបន្ថែមទៀតថា អ្វីដែលលោកច្បាស់ខ្លួនឯង គឺផ្លែទុរេនទាំងអស់ លោកដើរមើលថែទាំ និងរាប់ចំនួនជារៀងរាល់ថ្ងៃ ដោយដឹងជាក់ថា មួយណាធំមួយណាតូច ហើយបើសិនជាបាត់គឺលោកដឹងទាំងអស់តែម្តង ៕
ចែករំលែកព័តមាននេះ