រាជធានីភ្នំពេញ ៖ នៅថ្ងៃទី១១ ខែកក្កដា ឆ្នាំ២០២៦ លោកឧត្តមអគ្គានុរក្សថ្នាក់លេខ១ ឈឹម សុផាណារ៉ាត ប្រធាននាយកដ្ឋានប្រតិបត្តិ នៃអគ្គនាយកដ្ឋានពន្ធនាគារ បានដឹកនាំថ្នាក់ដឹកនាំ និងមន្ត្រីចំណុះនាយកដ្ឋានប្រតិបត្តិ សហការជាមួយក្រុមគ្រូបង្គោល នៃបញ្ជាការដ្ឋានទ័ពពិសេស រៀបចំវគ្គហ្វឹកហាត់ស្តីពី របៀបប្រើប្រាស់អាវុធ និងការបាញ់គ្រាប់ពិត នៅទីលានបាញ់គ្រាប់ពិត នៃបញ្ជាការដ្ឋានទ័ពពិសេស(៩១១) ដោយមានការចូលរួមពីអនុប្រធាននាយកដ្ឋាន ប្រធានការិយាល័យ និងមន្ត្រីចំណុះនាយកដ្ឋានប្រតិបត្តិ សរុបចំនួន២៥រូប ដោយផ្តោតលើការពង្រឹងចំណេះដឹង ទ្រឹស្តី និងជំនាញអនុវត្តជាក់ស្តែងក្នុងការប្រើប្រាស់អាវុធប្រកបដោយសុវត្ថិភាព ភាពត្រឹមត្រូវ វិន័យ ប្រសិទ្ធភាព និងតម្រូវការប្រតិបត្តិការរបស់កងកម្លាំង ៕
ចែករំលែកព័តមាននេះ