អគ្គិភ័យឆាបឆេះរោងចក្រមួយកន្លែងយ៉ាងសន្ធោសន្ធៅ
- ភ្នំពេញ
រាជធានីភ្នំពេញ ៖ យោងតាមព័ត៌មានបឋម នៅវេលាម៉ោង១និង៥០នាទីរសៀលថ្ងៃទី១១ កក្កដា ឆ្នាំ២០២៦ នេះ ព្រះអគ្គិភ័យឆាបឆេះរោងចក្រមួយកន្លែង ដែលមានទីតាំងស្ថិតនៅភូមិសាលា សង្កាត់ទៀន ខណ្ឌដង្កោ រាជធានីភ្នំពេញ ។
គេនៅពុំទាន់ដឹងថា ជារោងចក្រផលិតអ្វីនៅឡើយទេ ហើយមើលទៅភ្លើងឆេះខ្លាំង និងមានផ្សែងហុយឡើងលើកប់អាកាស ហើយក្រោយពេលទទួលដំណឹងនេះបានភ្លាមៗ អាជ្ញាធរនិងសមត្ថកិច្ចកំពុងចេញអន្តរាគមន៍ ។
ប៉ុន្តែប្រភពខ្លះបានអះអាងថា ឆេះរោងចក្រផលិតចានស្នោ ដែលត្រូវភ្លើងឆេះម្ដងរួចមកហើយ កាលពីវេលាម៉ោង៤ល្ងាចថ្ងៃទី៤ ខែមិថុនា ឆ្នាំ២០២៦ កន្លងទៅ ។ ដោយឡែក កម្លាំងសមត្ថកិច្ចការិយាល័យបង្ការពន្លត់អគ្គិភ័យ និងសង្គ្រោះ នៃស្នងការដ្ឋាន
នគរបាលរាជធានីភ្នំពេញ បានចេញរថយន្តពន្លត់អគ្គិភ័យទៅកាន់ទីនោះហើយ ទោះយ៉ាងណាព័ត៌មានបន្ថែមនឹងផ្សាយជូនបន្តទៀតនៅពេលក្រោយ ៕
ចែករំលែកព័តមាននេះ