ខេត្តសៀមរាបដាក់បង្គោលភ្លើងបំភ្លឺផ្លូវសាធារណៈចំនួន៣៧០ដើមនៅលើផ្លូវជាតិលេខ៦
- សៀមរាប
ខេត្តសៀមរាប ៖ ក្រោមការយកចិត្តទុកដាក់ខ្ពស់ពីឯកឧត្តម ប្រាក់ សោភ័ណ អភិបាលខេត្តសៀមរាប ក្នុងការលើកកម្ពស់សន្តិសុខសុវត្ថិភាព និងកាត់បន្ថយគ្រោះថ្នាក់ចរាចរណ៍ជូនប្រជាពលរដ្ឋធ្វើដំណើរនាពេលយប់ ក្រុមការងារបច្ចេកទេសបានដំឡើង និងដាក់ឱ្យដំណើរការបង្គោលភ្លើងបំភ្លឺផ្លូវជាផ្លូវការហើយ ។
ការដំឡើងធ្វើឡើងទាំងសងខាងផ្លូវជាតិលេខ៦ ចាប់ពីស្ពានទឹកវិល រហូតដល់ស្ពានស្រុកពួក ប្រវែងសរុប៧,៥គីឡូម៉ែត្រ ដែលមានចំនួនបង្គោលភ្លើងសរុប៣៧០ដើម (សម្រេចបាន១០០%)។
ការដំឡើងនេះ គឺគ្រាន់តែជាជំហានទី១ប៉ុណ្ណោះ។ រដ្ឋបាលខេត្តសៀមរាប មានផែនការបន្តពង្រីកការដំឡើងភ្លើងបំភ្លឺផ្លូវនេះជាជំហានៗបន្តទៀតចាប់ពីស្រុកពួក រហូតដល់ព្រំប្រទល់ខេត្តបន្ទាយមានជ័យ ។ ជំហានបន្ទាប់ទៀត បន្តដំឡើងចាប់ពីស្រុកប្រាសាទបាគង រហូតដល់ព្រំប្រទល់ខេត្តកំពង់ធំ ។
ចែករំលែកព័តមាននេះ