រថយន្តក្រុមការងារធ្វើផ្លូវ បើកឆ្លងផ្លូវដែក ត្រូវរថភ្លើងបុ.ក របួ.សធ្ងន់ម្នាក់
- បន្ទាយមានជ័យ
ខេត្តបន្ទាយមានជ័យ ៖ មានករណីរថភ្លើងបុករថយន្តក្រុមការងារធ្វើផ្លូវ បណ្តាលឱ្យរបួសធ្ងន់ម្នាក់ ខណៈពេលរថយន្តបើកឆ្លងផ្លូវដែក ដែលហេតុការណ៍នេះបានកើតឡើងកាលពីល្ងាចថ្ងៃទី៩ ខែកក្កដា ឆ្នាំ២០២៦នៅចំណុចក្បាលទឹកថ្លា ភូមិទឹកថ្លា សង្កាត់ទឹកថ្លា ក្រុងសិរិសោភ័ណ។
មន្ត្រីនគរបាលចរាចរណ៍ផ្លូវគោកខេត្តបន្ទាយមានជ័យបានប្រាប់ថា មុនពេលកើតហេតុ មានរថយន្តមួយគ្រឿងម៉ាកហ៊ីយ៉ាន់ដាយកូរ៉េឃ្លុប ពាក់ស្លាក់លេខ ភ្នំពេញ 2CC-1552 បានបើកបរតាមផ្លូវលំឆ្លងផ្លូវដែកបម្រុងឆ្លងមកផ្លូវជាតិលេខ៥ ត្រូវបានរថភ្លើងដែលបើកបរទិសដៅពីក្រុងប៉ោយប៉ែតមកក្រុងសិរីសោភ័ណបានបុកចំផ្នែកទ្រុងពីក្រោយ បណ្តាលឱ្យធ្លាក់ផ្លូវ បណ្តាលអ្នកជិះនៅខាងក្រោយម្នាក់ធ្លាក់បែកក្បាលរបួសធ្ងន់ ក្នុងចំណោមអ្នករួមដំណើរ៣នាក់ (ជិះខាងមុខ២នាក់)។
មន្ត្រីនគរបាលជំនាញបានបញ្ជាក់ថា ក្រោយគ្រោះចរាចរណ៍រថភ្លើងបុករថយន្តក្រុមការងារធ្វើផ្លូវ បណ្តាលឱ្យរបួសម្នាក់ធ្ងន់បែកក្បាលកំពុងសង្គ្រោះទៅកាន់មន្ទីពេទ្យបង្អែកក្រុងសិរីសោភ័ណ មូលហេតុគឺរថយន្តក្រុមការងារធ្វើផ្លូវបានបើកឆ្លងផ្លូវដែកមិនប្រយ័ត្នទើបត្រូវបុកបណ្តាលរបួសម្នាក់ធ្ងន់និងខូចខាតរថយន្តក្រុមការងារធ្វើផ្លូវ១គ្រឿងផ្នែកខាងក្រោយហើយកម្លាំងជំនាញកំពុងពិនិត្យហើយយករថយន្តទៅរក្សាទុកនៅការិយាល័យចរាចរណ៍ផ្លូវគោកខេត្តបន្ទាយមានជ័យ ដោយឡែករថយន្តត្រូវអោយបន្តដំណើរព្រោះជាផ្លូវអាទិភាពរបស់រថភ្លើង ៕
ចែករំលែកព័តមាននេះ