រាជធានីភ្នំពេញ ៖ សម្រាប់ប្រជាពលរដ្ឋចំណាកស្រុកទាំងពីរភេទ អាចអញ្ជើញទៅស្នើសុំផ្តល់អត្តសញ្ញាណបណ្ណសញ្ជាតិខ្មែរដំបូង ឬបន្តសុពលភាព នៅស្នងការដ្ឋាននគរបាលរាជធានីភ្នំពេញបាន នេះបើយោងតាមមន្ត្រីនគរបាល នៃស្នងការដ្ឋាននគរបាលរាជធានីភ្នំពេញ បានឱ្យដឹងនៅរសៀលថ្ងៃទី០៩ កក្កដា ២០២៦នេះ ។
មន្ត្រីដដែលបានបន្តថា ដើម្បីពង្រឹងប្រសិទ្ធភាព នៃការផ្តល់សេវាអត្តសញ្ញាណបណ្ណសញ្ជាតិខ្មែរ ឲ្យកាន់តែប្រសើរ ជូនប្រជាពលរដ្ឋ ចំណាកស្រុកទាំងពីរភេទ ស្នងការដ្ឋាននគរបាលរាជធានីភ្នំពេញ បានជម្រាបជូនប្រជាពលរដ្ឋខ្មែរចំណាកស្រុកទាំងពីរភេទ ដែលកំពុងស្នាក់នៅ ក្នុងរាជធានីភ្នំពេញ អាចទៅស្នើសុំផ្តល់អត្តសញ្ញាណបណ្ណសញ្ជាតិខ្មែរដំបូង ប្ញទុតិយតា ករណីអស់សុពលភាព បាត់បង់ ឬខូចខាត នៅការិយាល័យអត្តសញ្ញាណបណ្ណសញ្ជាតិខ្មែរ នៃស្នងការដ្ឋាននគរបាលរាជធានីភ្នំពេញ ឬនៅផ្សារទំនើបអ៊ីអនម៉ល២, ផ្សារទំនើបអ៊ីអនម៉ល៣, នាយកដ្ឋានអត្តសញ្ញាណបណ្ណសញ្ជាតិខ្មែរ។ សម្រាប់ព័ត៌មានផ្សេងៗសូមទំនាក់ទំនងទៅកាន់លេខ០១២ ៦៩៨ ៧៧៧ ,០៧៧ ៧៦៦ ៩៩៩,០៨៦ ២១០ ១៤៧៕
ចែករំលែកព័តមាននេះ