គ្រោះថ្នាក់ដែលបង្កឡើង ដោយបាតុភូតរន្ទះបាញ់ នៅឆមាសទី១ នៃឆ្នាំ២០២៦នេះ មានការថយចុះគួរឲ្យកត់សម្គាល់ ។ នេះបើតាមស្ថិតិដែលកត់ត្រាដោយគណៈកម្មាធិការជាតិគ្រប់គ្រងគ្រោះមហន្តរាយ ។
ពីខែមករា ដល់ខែមិថុនា ឆ្នាំ២០២៦ បាតុភូតរន្ទះបាញ់បានសម្លាប់មនុស្ស ត្រឹមតែ ១៦ នាក់ ថយចុះ៤៨ភាគរយ បើធៀបនឹងជនរងគ្រោះដែលបានបាត់បង់ជីវិត៣១នាក់ នៅក្នុងអំឡុងរយៈពេលដដែល នៅក្នុងឆ្នាំ២០២៥ ។
ក្រៅពីជនរងគ្រោះដល់ជីវិត បាតុភូតធម្មជាតិនេះ ក៏បានធ្វើឱ្យមនុស្ស១៨ នាក់រងរបួស និងងាប់សត្វពាហនៈចំនួន៩ ក្បាលផងដែរ។
នៅក្នុងអំឡុងពេលដដែលនេះដែរ បាតុភូតខ្យល់កន្ត្រាក់ក៏បានឆក់យកជីវិតមនុស្ស៣នាក់ និងបណ្តាលឱ្យមនុស្ស៩នាក់ផ្សេងទៀតរងរបួស ៕
ចែករំលែកព័តមាននេះ