ម្ចាស់ហាងធុំក្លិនស្អុយនៅចំណុចជាន់ទី៣ សង្ស័យសត្វអ្វីស្លា.ប់ ក៏នាំបុគ្គលិកឡើងទៅមើល ប្រទះឃើញបុរសម្នាក់យ៉ាងរន្ធ.ត់
- សៀមរាប
ខេត្តសៀមរាប ៖ បើតាមការសន្និដ្ឋាន របស់កម្លាំងនគរបាលការិយាល័យជំនាញ នៃស្នងការនគរបាលខេត្តសៀមរាបបានអះអាងថា សាកសពដែលឡើងទៅដេកស្លាប់ នៅជាន់ទី៣ ហើមស្អុយ ទើបដឹងនោះជា ជនអនាថា ដេក ស្លាប់ដោយសារជំងឺគាំងបេះដូង បង្កការភ្ញាក់ ផ្អើលពេញក្រុងសៀមរាបរហូតដល់សមត្ថកិច្ច។
ហេតុការណ៍ខាងលើនេះបានបង្កការភ្ញាក់ផ្អើលកើតឡើងនៅវេលាម៉ោង១៥ និង ០០នាទី រសៀល ថ្ងៃទី១០ ខែកក្កដា ឆ្នាំ ២០២៦ ស្ថិតនៅចំណុច: ហាងមួយកន្លែង ម្តុំផាប់ស្ទ្រីត ផ្លូវដឺហែម ទល់មុខមន្ទីរពេទ្យបង្អែកខេត្តសៀម រាប ស្ថិតនៅភូមិមណ្ឌល១ សង្កាត់ស្វាយដង្គំ ក្រុង.ខេត្តសៀមរាប ។
បើតាម ប្រសាសន៍របស់ លោក ឧត្តម សេនីយ៍ត្រី ណុប សារ៉ាក់ ស្នងការ រង និង ជាអ្នកនាំពាក្យ នៃស្នងការដ្ឋាននគរបាលខេត្ត សៀមរាប បានប្រាប់តាម តេ លេក្រាម នៅរសៀល ថ្ងៃទី១១ ខែកក្កដា ឆ្នាំ២០២៦ នេះថាជនមិនស្គល់អត្តសញ្ញាណ ភេទប្រុស អាយុប្រហែលជាង២០ឆ្នាំំ មុខរបរ ជា ជនអនាថា ទីលំនៅគ្មាន ។
ក្រោយពេលកើតហេតុ កម្លាំងសមត្ថកិច្ចជំនាញយើងបានចុះសហការជាមួយ កម្លាំងនគរបាល ប៉ុស្តិ៍រដ្ឋបាល សង្កាត់ ស្វាយ ដង្គំ ចុះដល់កន្លែងទីតាំង កើតហេតុ ក៏ បាន សហការជាមួយ ម្ចាស់ ហាង ឈ្មោះ ញ៉េប ស្រ៊ុនហ៊ាង ភេទប្រុស អាយុ៤០ឆ្នាំ មានទីលំនៅភូមិតាគង់ សង្កាត់សំបួរ ក្រុង.ខេត្តសៀមរាប បានប្រាប់ឱ្យសមត្ថកិច្ចយើងដឹងថា រូបខ្លួនបានជួលទីតាំងមួយកន្លែង ស្ថិតនៅភូមិមណ្ឌល១ សង្កាត់ស្វាយដង្គំ ក្រុង.ខេត្តសៀមរាប នឹងបានបើកហាងយីហោ ខូហ្ស៊ីបារ (COZY BAR) នៅទីនោះតែម្ដង ដោយបានដំណើរការរហូតដល់បច្ចុប្បន្នមានរយះពេលចំនួន១០ឆ្នាំមកហើយ ដោយចាប់ផ្ដើមបើកពីវេលាម៉ោង ១០ និង ០០នាទីព្រឹក នឹងបិតនៅវេលាម៉ោង ០៤និង០០នាទីទាបភ្លឺ ។ លុះនៅថ្ងៃទី០៩ ខែ កក្កដា ឆ្នាំ២០២៦ វេលាម៉ោង ១៣និង០០នាទីរសៀល រូបខ្លូនបានមកមើលការខុសត្រូវនៅហាងទីតាំងខាងលើដូច ធម្មតា ហើយដល់វេលាម៉ោង ១៥និង០០នាទី ល្ងាចថ្ងៃទី១០ ខែ កក្កដាឆ្នាំ២០២៦ រូបខ្លួនក៏បានចាក់ចេញទៅមើលហាងផ្សេងមួយកន្លែងទៀត ។
លោក ស្នងការរង បញ្ជាក់ថា នៅថ្ងៃទី១០ ខែកក្កដា ឆ្នាំ២០២៦ វេលាម៉ោង ១៥និង០០នាទី រសៀល ពេលដែលរូបគាត់( ម្ចាស់ហាង)មក ដល់ហាងទីតាំងកើតហេតុខាងលើក៏ស្រាប់តែបានធុំក្លិនស្អ៊ុយនៅចំណុចជាន់ទី០៣ រួចខ្លួននឹងបុគ្គលិកបាននាំគ្នាឡើងទៅមើលដោយសង្ស័យសត្វអ្វីស្លាប់ទើបមានក្លិនស្អ៊ុយ ពេលទៅដល់ក៏បានឃើញមានសាកសពបុរសម្នាក់មិនស្គាល់អត្តសញ្ញាណភេទប្រុស អាយុប្រហែលជាង២០ឆ្នាំ មិនមានពាក់អាវស្លៀកខោជើងវែងពណ៌ខ្មៅ មិនដឹងចូលពីពេលណា បានដេកស្លាប់នៅលើកាំជណ្ដើរផ្លូវឡើងបាត់ទៅហើយ ដោយមិនដឹងដេកស្លាប់ពីពេលណានោះទេ រួចរូបខ្លួនក៏បានរាយការណ៍ជូនសមត្ថកិច្ច មូលដ្ឋានតែម្ដង ។.
បន្ទាប់ពីពិនិត្យសាកសព នៅទីតាំងខាងលើ សាកសពដេកនៅលើកាំជណ្ដើរផ្លូវឡើងក្នុងបរិវេណហាងជាន់ទី៣ ស្លៀកខោ ជើងវែងសាច់ក្រណាត់ពណ៍ ខ្មៅ គ្មានពាក់អាវ មានកម្ពស់ ១.៧០ ស.ម-។ ក្រោយសមត្ថកិច្ចជំនាញ បានពិនិត្យ គ្រប់ជ្រុងជ្រោយ អស់ហើយពុំមានឃើញស្លាកស្នាមអ្វីគួរឱ្យកត់សម្គាល់ មិនមែនជាករណីឃាតកម្មនោះទេ។-សាកសពមានសភាពហើមធុំក្លិនស្អ៊ុយ នឹងស្បែកឡើងពង ហើយ មានសភាពរឹង គ្រប់សន្លាក់ដៃជើង ។ យោងតាមការបំភ្លឺពីសាក្សី ការពិនិត្យសាក សព និងតាមការបញ្ជាក់ពីលោកគ្រូពេទ្យកោសល្យវិច័យ យើងសន្និដ្ឋានបានថា : សាកសពស្លាប់ដោយសារ គាំងបេះដូង ។
បច្ចុប្បន្ន កម្លាំង សមត្ថកិច្ចចម្រុះបានពិនិត្យសាកសព រួច ហើយមិនអាចរក្សាទុកទៀតបានក៏បាននាំគ្នាសម្រេចបង្កើតគណៈកម្មការដឹកយកសាកសពទៅបូជា នៅវត្តចក ដើម្បីស្វែងរកសាច់ញាតិ៕
ចែករំលែកព័តមាននេះ