ប្រទេសកុងហ្គោ៖ អាជ្ញាធរសុខាភិបាលនៃប្រទេសកុងហ្គោ បានរាយការណ៍ថា ការផ្ទុះជំងឺអេបូឡាចុងក្រោយបានឆ្លងចំនួន ១,៥២៨ករណី ក្នុងនោះមានអ្នកស្លាប់ ៤៩២នាក់ ខណៈការឆ្លងនៅតែបន្តរីករាលដាលក្នុងសហគមន៍។ មកទល់ពេលនេះ អ្នកជំងឺ ២៣៩នាក់ បានជាសះស្បើយ ខណៈ ៦២៨នាក់ កំពុងសម្រាកព្យាបាល ឬដាក់ឱ្យនៅដាច់ដោយឡែក ហើយមានករណីសង្ស័យ ១៨៥ករណី បន្ថែមទៀត។ នេះបើយោងតាមការចុះផ្សាយរបស់សារព័ត៌មាន ស៊ីនហួ នៅថ្ងៃទី៦ ខែកក្កដានេះ។
អាជ្ញាធរសុខាភិបាលបានព្រមានថា ការគ្រប់គ្រងការផ្ទុះជំងឺកំពុងប្រឈមបញ្ហាជាច្រើន រួមមានការតាមដានអ្នកប៉ះពាល់មិនទាន់មានប្រសិទ្ធភាព កង្វះសម្ភារៈវេជ្ជសាស្ត្រ និងអសន្តិសុខនៅតំបន់រងគ្រោះ។ ទន្ទឹមនឹងនេះ អង្គការសុខភាពពិភពលោកបានចាប់ផ្តើមការសាកល្បងព្យាបាលថ្មី សម្រាប់វីរុសអេបូឡាប្រភេទបំប្លែងខ្លួនថ្មីដែលបច្ចុប្បន្ននៅមិនទាន់មានវ៉ាក់សាំង ឬថ្នាំព្យាបាលដែលត្រូវបានអនុម័តនៅឡើយ៕
<<កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
ចែករំលែកព័តមាននេះ