ប្រទេសវេណេស៊ុយអេឡា ៖ ក្រោយការរញ្ជួយដី២ស្ទើរដំណាលគ្នាកាលពីថ្ងៃទី២៤មិថុនានៅប្រទេសវេណេស៊ុយអេឡា យោងតាមអាជ្ញាធរថា ចំនួនអ្នកស្លាប់ពេលនេះបានកើនដល់យ៉ាងតិច២២៩៥នាក់ និងជាង១១.០០០នាក់រងរបួស។ ចំណែកមនុស្សច្រើនពាន់នាក់នៅតែបាត់ខ្លួន។
ក្រោយការរញ្ជួយដីនោះពលរដ្ឋវេណេស៊ុយអេឡាច្រើនពាន់នាក់ កំពុងស្ថិតក្នុងបណ្ដាមជ្ឈមណ្ឌលបណ្ដោះអាសន្ន ឬនៅខាងក្រៅទាំងគ្មានទឹកស្អាតក្នុងស្ថានភាពលំបាកលំបិនបំផុត។ បណ្ដាពលករមនុស្សធម៌ព្រមានថា បណ្ដាផលវិបាកនៃការរញ្ជួយដីនេះ បណ្ដាលឲ្យធ្ងន់ធ្ងរដល់វិបត្តិសុខាភិបាលបើមិនត្រូវបានដោះស្រាយឲ្យបានឆាប់រហ័សទេនោះ។ មនុស្សច្រើននាក់នឹងស្លាប់ថែមទៀតក្នុងបណ្ដាថ្ងៃនិងសប្ដាហ៍ខាងមុខ។
ក្នុងស្ថានភាពសោកនាដកម្មអង្គការស្បៀងអាហារពិភពលោកPAM កាលពីថ្ងៃទី៣០មិថុនា បានអំពាវនាវរកជំនួយដំបូងចំនួន៥០លានដុល្លារ សម្រាប់ចិញ្ចឹមមនុស្ស៥០០.០០០នាក់ ក្នុងរយៈពេល៣ខែ។ ចំណែកសហរដ្ឋអាមេរិកបានបញ្ជូនកងទាហានច្រើននាក់ទៅជួយវេណេស៊ុយអេឡា ដោយមកដល់ថ្ងៃទី១កក្កដាទាហានអាមេរិក៩០០នាក់បានមកដល់ប្រទេសនេះរួចហើយ។ អ្នកនាំពាក្យយោធាអាមេរិកមួយរូបអះអាងថាសមាជិក១០០នាក់ថែមទៀតនៃក្រសួងការពារប្រទេសអាមេរិក ត្រូវបានដាក់ពង្រាយដើម្បីជួយក្នុងប្រតិបត្តិការសង្គ្រោះ៕
<<កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
ចែករំលែកព័តមាននេះ