រាជធានីភ្នំពេញ ៖ លោកបណ្ឌិតយង់ ពៅ អគ្គលេខាធិការនៃរាជបណ្ឌិត្យសភាកម្ពុជា បានបញ្ជាក់ថា ប្រទេសកម្ពុជា-ថៃ មានព្រំដែនអន្តរជាតិរួចហើយ គ្មានភាគីណាមួយអាចផ្លាស់ប្តូរបានទេ ដូច្នេះថៃបានកំពុងខិតខំកែប្រែស្ថានភាពលើដីជាក់ស្តែង ។
លោកបណ្ឌិត យង់ ពៅ សរសេរនៅលើបណ្តាញសង្គមយ៉ាងដូច្នេះថា៖«ខ្ញុំសូមបញ្ជាក់ថា កម្ពុជា-ថៃ មានព្រំដែនអន្តរជាតិរួចហើយ គ្មានភាគីណាមួយ អាចផ្លាស់ប្តូរបានទេ ថៃខិតខំកែប្រែស្ថានភាពជាក់ស្ដែងលើដី (Fait accompli) ប៉ុន្តែមិនអាចកែប្រែច្បាប់អន្តរជាតិជាឯកតោភាគីបានឡើយ» ។
លោកបណ្ឌិត បានបន្ថែមថា ៖ ព្រំដែនកម្ពុជា-ថៃ ខុសពីព្រំដែនរវាងប៉ាឡេស្ទីន និងអ៊ីស្រាអែល ហើយថៃក៏មិនមែនអ៊ីស្រាអែល ។ កម្ពុជា និងថៃ ជារដ្ឋសមាជិកUNដូចគ្នា ។ លោកបណ្ឌិតថា ថៃធ្វើជាឆ្កួត មិនស្គាល់ច្បាប់អន្តរជាតិ កុំគិតថា អន្តរជាតិ ឬUN ឆ្កួតតាមថៃធ្វើឆ្កួត…។
ជាមួយគ្នានោះដែរ លោកបណ្ឌិត បានសង្កត់ធ្ងន់ថា៖«ខ្ញុំគាំទ្ររាជរដ្ឋាភិបាលកម្ពុជា បន្តប្រើយន្តការច្បាប់អន្តរជាតិ និងការទូតឱ្យសកម្មបំផុត ស្របពេលជាមួយគ្នានេះ ត្រូវបង្កើនសមត្ថភាពយោធាឱ្យខ្លាំង រួមទាំងបំពាក់យុទ្ធោបករណ៍ទំនើបជាការប្រញាប់ ដើម្បីការពារជាតិពីសត្រូវឈ្លានពានទឹកដី៕
<<កំណត់សម្គាល់: រាល់ការបញ្ចេញមតិទៅលើអត្ថបទមិនមែនជាការទទួលខុសត្រូវរបស់កោះសន្តិភាពទេ។ វាជាការទទួលខុសត្រួវដោយផ្ទាល់របស់អ្នកបញ្ចេញមតិ។ ដូច្នេះ សូមមិត្តអ្នកអានទាំងអស់ ធ្វើការបញ្ចេញ មតិប្រកបដោយការទទួលខុសត្រូវ មានសីលធម៌ និង ប្រកបដោយន័យស្ថាបនា ហើយចៀសវាង ការបញ្ចេញមតិណាដែលមិនពិត ជេរប្រមាថ និង អុជអាល នាំដល់ការយល់ច្រឡំ ឬ ការរើសអើង ជាតិសាសន៍ សាសនា ឬក៏ បុគ្គលណាមួយ។>>
ចែករំលែកព័តមាននេះ