ដេញថ្លៃធ្វើផ្លូវនៅកស្រុកព្រៃឈរ មានក្រុមហ៊ុនមួយចង់ស៊ីដាច់តែឯង
- កំពង់ចាម
ខេត្តកំពង់ចាម ៖ គម្រោងផ្លូវបេតុងពីរខ្សែនិងផ្លូវក្រាលកម្ទេចថ្មមួយខ្សែដែលមានទឹកប្រាក់សរុបប្រមាណជាង៥០០លានរៀល ត្រូវបានដាក់ឲ្យដេញថ្លៃជាសាធារណៈនៅសាលាឃុំតុងរ៉ុង ស្រុកព្រៃឈរ។ក្នុងពេលដំណើរការដេញថ្លៃជិតដល់ទីបញ្ចប់ត្រូវបានបុរសម្នាក់ឈ្មោះធី បានទៅចាប់ទាញគេមិនឱ្យដាក់បិទក្នុងប្រអប់សំបុត្រសកម្មភាពនេះបានធ្វើខុសហើយអាជ្ញាធរព្រមានដាក់ក្នុងបញ្ជីខ្មៅក្រសួងមហាផ្ទៃ គឺចង់ស៊ីដាច់តែឯង…។
លោកលី ម៉េងហ៊ុន មេឃុំតុងរ៉ុងមានប្រសាសន៍ប្រាប់ឲ្យដឹងនៅព្រឹកថ្ងៃទី ២៨មិថុនា ឆ្នាំ២០២៦ថា ១-ផ្លូវក្រាលកម្ទេចថ្មប្រវែង១៤២៦ម៉ែត្រទទឹង៤ ម៉ែត្រតម្លៃដាក់ឲ្យដេញថ្លៃជាង១០១ លានរៀល មានក្រុមហ៊ុនចំនួន៤ បានចូលរួមប្រកួតប្រជែងដោយដេញបានទាបជាងគេលើក្រុមហ៊ុនហង្ស កួយហេង ក្នុងតម្លៃជាង៧៩លានរៀល ស្ថិតនៅភូមិប្រាសាទផ្លូវនៅក្បែរបឹង។
២-ផ្លូវបេតុងប្រវែង២៨៣ម៉ែត្រ ទទឹង៤ ម៉ែត្រ តម្លៃដាក់ដេញថ្លៃជាង១៦៨លានរៀល មាន៤ក្រុមហ៊ុនចូលរួមដោយដេញថ្លៃ បានលើកក្រុមហ៊ុនហង្ស កួយហេង ដដែលតម្លៃជាង៩១លានរៀល មានទីតាំងស្ថិតនៅភូមិតុងរ៉ុង ។
៣-ប្រវែង៥៩៦ ម៉ែត្រនៅឃុំថ្មពូនតម្លៃដាក់ឲ្យដេញថ្លៃជាង២៦២លានរៀលមាន៦ក្រុមហ៊ុនចូលរួមដោយដេញបានលើក្រុមហ៊ុនជា មករា តម្លៃជាង១៣៩ លានរៀល។
លោកមេឃុំតុងរ៉ុងមានប្រសាសន៍បន្តថានៅក្នុងឃុំតុងរ៉ុង មានចំនួន១០ភូមិត្រូវបានអាជ្ញាធរដែនដីបានអភិវឌ្ឍន៍ផ្លូវដីទៅផ្លូវបេតុងមានគ្រប់ភូមិដោយក្នុងនោះមានភូមិខ្លះបានវែងភូមិខ្លះបានខ្លីតបតាមការស្នើសុំរបស់បងប្អូនប្រជាពលរដ្ឋ។ លោកថាចំពោះដំណើរការដេញថ្លៃគម្រោងផ្លូវទាំងបីខ្សែនេះបានប្រព្រឹត្តទៅនៅសាលាឃុំតុងរ៉ុងកាលពីរសៀលថ្ងៃទី២៦ មិថុនា កន្លងទៅក្នុងរយៈពេល១០នាទីជិតដល់នាទីបញ្ចប់ ត្រូវបានបុរសម្នាក់ឈ្មោះធី បានទៅចាប់ទាញដៃក្រុមហ៊ុនមួយមិនឱ្យដាក់បិទក្នុងប្រអប់សំបុត្រ ដែលនេះជាកំហុសមួយ ជាមួយនោះអាជ្ញាធរបានធ្វើការព្រមានមិនឱ្យមានសកម្មភាពបែបនេះបន្តទៀតនៅថ្ងៃក្រោយបើពុំនោះទេទេនឹងត្រូវដាក់ក្រុមហ៊ុនចូលក្នុងបញ្ជីខ្មៅក្រសួងមហាផ្ទៃ។
សូមបញ្ជាក់ថាចំពោះសកម្មភាពដេញគម្រោងផ្លូវបេតុង២ខ្សែទៀតនៅសាលាឃុំព្រៃឈរស្រុកព្រៃឈរធ្វើឡើងនៅថ្ងៃជាមួយគ្នា (២៦មិថុនា)ឃើញថាដំណើរការដេញថ្លៃមានភាពយុត្តិធម៌ត្រឹមត្រូវព្រមទាំងបញ្ចុះច្រើនថែមទៀត។
ជាមួយនោះអាជ្ញាធរស្រុកក៏បានធ្វើការព្រមានដល់ក្រុមហ៊ុនចំនួនពីរដែលមកចូលរួមដេញថ្លៃដោយបំពេញបែបបទខុសបច្ចេកទេស ប្រសិនបើមានដេញលើកក្រោយបន្តទៀតអាចនឹងដាក់ក្រុមហ៊ុនទាំងពីរនោះក្នុងបញ្ជីខ្មៅក្រសួងមហាផ្ទៃ ។
ព័ត៌មានបន្តនឹងមានផ្សាយនៅលើកាសែតកោះសន្តិភាព ៕
ចែករំលែកព័តមាននេះ