រដ្ឋាភិបាលលីប៊ីបានបដិសេធកាលពីថ្ងៃទី៥ សីហា កន្លងមកនេះ ចំណោមព័ត៌មានដែលថា លោកខាមីស កូនប្រុសម្នាក់របស់មេដឹកនាំលីប៊ីលោកមូអាម៉ា កាដាហ្វី ត្រូវសម្លាប់ក្នុងការវាយឆ្មក់តាមអាកាសមួយរបស់អូតង់នៅទីក្រុង ZLITAN ភាគខាងលិចលីប៊ី ។
កងយន្តហោះរបស់អូតង់កាលពីព្រឹកថ្ងៃទី៧ សីហា បានទម្លាក់គ្រាប់បែកនៅភាគខាងកើតក្រុងទ្រីប៉ូលី រដ្ឋធានីលីប៊ី ញ៉ាំងឱ្យមានឮសំឡេងផ្ទុះយ៉ាងខ្លាំង ។ គេឃើញពពកផ្សែងហុយទៅលើអកាសនៅពីលើសង្កាត់ AIN-ZARAH ភាគខាងកើតក្រុងទ្រីប៉ូលី ។ គោលដៅនៃការវាយប្រហារហាក់ដូចជាសំដៅឃ្លាំងស្តុកគ្រាប់រំសេវមួយរបស់រដ្ឋាភិបាលលីប៊ី ។ ម្យ៉ាងវិញទៀតស្នូរផ្ទុះខ្លាំង២ត្រូវបានស្តាប់ឮក្នុងសង្កាត់ដដែលនោះបន្ទាប់ពីការផ្ទុះដំបូងៗ ។ គេអាចឃើញយន្តហោះអូតង់ហោះពីលើរដ្ឋធានីលីប៊ី ៕
ចែករំលែកព័តមាននេះ