ស្ត្រីសកម្មជននៅក្នុងក្រុមដែលមានឈ្មោះ ថា «ម៉េតវេដេវ» គឺជាប្រធានាធិបតីរបស់យើង» ត្រូវបានចោមរោមដោយអ្នកថតរូប និងអ្នកសារព័ត៌មាន ខណៈពេលពួកនាងធ្វើការអះអាងថា ការស្រាតសម្លៀកបំពាក់លើកនេះ មានគោលដៅគាំទ្រគោលគំនិតចាប់ផ្តើមរបស់លោកម៉េត វេដេវ ក្នុងគម្រោង
ស្ត្រីសកម្មជននៅក្នុងក្រុមដែលមានឈ្មោះ ថា «ម៉េតវេដេវ» គឺជាប្រធានាធិបតីរបស់យើង» ត្រូវបានចោមរោមដោយអ្នកថតរូប និងអ្នកសារព័ត៌មាន ខណៈពេលពួកនាងធ្វើការអះអាងថា ការស្រាតសម្លៀកបំពាក់លើកនេះ មានគោលដៅគាំទ្រគោលគំនិតចាប់ផ្តើមរបស់លោកម៉េត វេដេវ ក្នុងគម្រោងកាត់បន្ថយការទទួលទានគ្រឿងស្រវឹងនៅទីសាធារណៈ ។
ពួកស្ត្រីទាំងនោះបានប្រមូលផ្តុំគ្នានៅឯទីលាន «ពូសហ្គីន» និងប្រាប់ថា ប្រសិនបើមានមនុស្សយកស្រាបៀរមកចាក់ក្នុងធុងដែលតាំងនៅខាងមុខរបស់ពួកនាងរហូតដល់ចំណុចគូសកំណត់ ពួកនាងនឹងដោះសម្លៀកបំពាក់ខាងក្រៅ នៅសល់តែឈុតប៊ីគីនី ។ ស្ត្រីសក់ទង់ដែងដែលដោះសម្លៀកបំពាក់នៅសល់តែឈុតប៊ីគីនីពណ៌ខ្មៅ បញ្ជាក់ប្រាប់ AFP ថា សកម្មភាពនេះមានគោលដៅទាក់ទាញចំណាប់អារម្មណ៍របស់យុវវ័យដែលនិយមទទួលទានស្រាបៀរ ។ «យើងដោះសម្លៀកបំពាក់ចេញ ព្រោះភារកិច្ចនេះមានគោលដៅទៅលើយុវជន ហើយយើងមានទិសស្លោកថា តើអ្នកជ្រើសរើសយកស្រាបៀរ ឬពួកយើង» ។
ស្របពេលជាមួយគ្នានេះ នៅមិនទាន់មានភាពប្រាកដប្រជាថា តើទាំងលោកវ្ល៉ាឌីមៀ ពូទីន និងលោកម៉េតវេដេវ នឹងចូលប្រជែងតំណែងប្រធានាធិបតីក្នុងការបោះឆ្នោតនៅឆ្នាំក្រោយ ឬក៏អត់? ប៉ុន្តែពួកនាងនិយាយថា ត្រូវមានមេដឹកនាំរូបនេះ (ម៉េតវេដេវ) ចូលប្រជែងតំណែងប្រធានាធិបតីមួួយអាណត្តិទៀត ។
គួរបញ្ជាក់ថា កាលពីមុននេះមានសកម្មជនស្ត្រីមួយក្រុមគាំទ្រលោកវ្ល៉ាឌីមៀ ពូទីន ដោយប្រើឈ្មោះថា «កងទ័ពពូទីន» (Putin’s Army) បំផុសបំផុលដល់ស្ត្រីនានាឱ្យបង្ហាញការគាំទ្រលោកពូទីន ជាប្រធានាធិបតីបន្តដោយដោះសម្លៀកបំពាក់ដូចគ្នានេះដែរ៕
ចែករំលែកព័តមាននេះ