តាមប្រម៉ាញ់ក្រុមឧក្រិ.ដ្ឋជនឆបោ.កអនឡាញ ប្តូរទីតាំងពីសណ្ឋាគារ មកជ្រកតាមផ្ទះជួល នៅស្រុកចន្ទ្រា
- ស្វាយរៀង
ខេត្តស្វាយរៀង ៖ សមត្ថកិច្ចតាមប្រមាញ់ក្រុមឧក្រិដ្ឋជនប្តូរទីតាំងពីសណ្ឋាគារ កាស៊ីណូ មកជ្រកតាមផ្ទះជួល តែលួចលាក់ប្រព្រឹត្តបទល្មើសយ៉ាងណាក៏គេចមិនផុតពីភ្នែកសមត្ថកិច្ចទេតាមក្របួចបាន០៦នាក់ស្រី១នាក់ជនជាតិវៀតណាម។
ការបង្ក្រាបនេះកើតឡើងនៅថ្ងៃទី១៩ ខែមិថុនា ឆ្នាំ២០២៦ នៅភូមិចេកឃុំសំរោងស្រុកចន្ទ្រា។
លោក ថន ថាវុទ្ធា អភិបាលស្រុក និងជាប្រធានគណៈបញ្ជាការឯកភាពរដ្ឋបាលស្រុកចន្ទ្រា បានដឹកនាំកម្លាំងចម្រុះ ចុះត្រួតពិនិត្យការងាររដ្ឋបាលចំហរ ស្រាវជ្រាវ និងបង្ក្រាបនៅចំណុចអាហារដ្ឋាន ស្ថិតនៅភូមិចេក ឃុំសំរោង ស្រុកចន្ទ្រា ខេត្តស្វាយរៀង រកឃើញមានសម្ភារៈដែលសង្ស័យបម្រើឱ្យសកម្មភាពឆបោកតាមប្រព័ន្ធបច្ចេកវិទ្យា (Online Scams) រួមមាន Monitor ធុង CPU កុំព្យូទ័រយូដៃ ទូរស័ព្ទដៃ iPad ដុំWifi និងសម្ភារ:មួយចំនួនទៀត ។
ក្នុងរង្វង់ប្រតិបត្តិការនេះដែរ សមត្ថកិច្ចចម្រុះបានឃាត់ខ្លួនជនសង្ស័យចំនួន ០៦នាក់ ស្រី ១នាក់ ជាជនជាតិវៀតណាម ។ដោយបានការអនុញ្ញាតពី ឯកឧត្តមព្រះរាជអាជ្ញា អមសាលាដំបូងខេត្ត សមត្ថកិច្ចយើងបានបិទ (Seal) ទីតាំងខាងលើ ជាបណ្តោះអាសន្ន ។ ចំណែកឯជនសង្ស័យ រួមនឹងសម្ភារៈ និងវត្ថុតាង បញ្ជូនទៅអធិការដ្ឋាននគរបាលស្រុកចន្ទ្រា ដើម្បីស្រាវជ្រាវ និងបន្តនីតិវិធី ៕
ចែករំលែកព័តមាននេះ