ក្រុងប៉ោយប៉ែត ៖ ធុងហ្គាស់មួយបានផ្ទុះឡើងកាលពីវេលាម៉ោង១២និង៣០នាទីរសៀល ថ្ងៃទី៥ សីហា២០១១ ស្ថិតក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត បណ្តាលឱ្យទំនិញគ្រឿងទេស និងសម្ភារក្នុងផ្ទះរបស់គ្រួសារមួយឆេះក្លាយជាផេះផង់ទាំង ស្រុង ហើយបុរសជាប្តីរង
ក្រុងប៉ោយប៉ែត ៖ ធុងហ្គាស់មួយបានផ្ទុះឡើងកាលពីវេលាម៉ោង១២និង៣០នាទីរសៀលថ្ងៃទី៥ សីហា២០១១ ស្ថិតក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត បណ្តាលឱ្យទំនិញគ្រឿងទេស និងសម្ភារក្នុងផ្ទះរបស់គ្រួសារមួយឆេះក្លាយជាផេះផង់ទាំងស្រុង ហើយបុរសជាប្តីរងរបួសធ្ងន់ និងប្រពន្ធរងរបួសស្រាលត្រូវបញ្ជូនចូលព្យាបាលនៅមន្ទីរពេទ្យបង្អែកភ្លាមៗ ។
គ្រួសាររងគ្រោះបុរសជាប្តីឈ្មោះអែម ហេង អាយុ២៩ឆ្នាំ និងប្រពន្ធឈ្មោះហង្ស ផល្លា អាយុ២៨ឆ្នាំ មានទីលំនៅក្នុងភូមិកើតហេតុខាងលើ។ ជុំវិញការផ្ទុះធុងហ្គាសនេះ បើតាមការឱ្យដឹងពីគ្រួសាររងគ្រោះប្រាប់ថា កើតឡើងដោយសារការបញ្ចូលកំប៉ុងហ្គាសពីធុងធំមក
កំប៉ុងតូចៗ ដើម្បីលក់ ប៉ុន្តែពេលកំពុងបញ្ចូលស្រាប់តែដាច់ទុយោទើបបណ្តាលឱ្យឆាបឆេះភ្លាមៗ។ នៅកន្លែងកើតហេតុ គេឃើញអាជ្ញាធរ និងសមត្ថកិច្ចបានចុះទៅត្រួតពិនិត្យភ្លាមៗ។
ផ្ទះកើតហេតុត្រូវបានអគ្គិភ័យឆាបឆេះសម្ភារ និងទំនិញគ្រឿងទេសអស់គ្មានសល់ ចំណែកបុរសម្ចាស់ផ្ទះត្រូវឆាបឆេះពេញមុខ និងខ្លួនបានរត់ទៅចុះទឹក ព្រោះក្តៅខ្លាំងពេក ឯប្រពន្ធក៏របួសផ្ទៃមុខ និងដៃផងដែរ ។ ទោះបីជាបែបណា មកទល់ម៉ោង៣រសៀលថ្ងៃដដែលគេពុំទាន់ដឹងពីតម្លៃនៃការខូចខាតទេថា គិតជាប្រាក់អស់ប៉ុន្មាន? ព្រោះជនរងគ្រោះ រវល់ចូលព្យាបាលនៅមន្ទីរពេទ្យបង្អែកក្រុងប៉ោយប៉ែត ៕
ចែករំលែកព័តមាននេះ