គណៈបញ្ជាការឯកភាពខណ្ឌ៧មករា ឆ្ម.ក់បង្ក្រាបទីតាំង Scams Online និងគ្រឿងញៀ.ន ឃាត់ខ្លួនជនបរទេស ៩នាក់
- ភ្នំពេញ
រាជធានីភ្នំពេញ ៖ គណៈបញ្ជាការឯកភាពខណ្ឌ៧មករា ឃាត់ជនបរទេស៩នាក់ ពាក់ព័ន្ធបទល្មើស«អនឡាញស្កេម» រួមទាំងគ្រឿងញៀនមួយចំនួន ។
ការបង្ក្រាបនេះបានធ្វើឡើង នៅរសៀលថ្ងៃទី១៨ ខែមិថុនា ឆ្នាំ២០២៦ ដោយអនុវត្តតាមបទបញ្ជារបស់ឯកឧត្តម ឃួង ស្រេង អភិបាលរាជធានីភ្នំពេញ បានដឹកនាំកម្លាំងគណៈបញ្ជាការឯកភាពរដ្ឋបាលខណ្ឌ ធ្វើការចុះត្រួតពិនិត្យតាមទីតាំងអាគារ ខុនដូរ អាផាតមិន បុរី ផ្ទះសំណាក់ និងសណ្ឋាគារមួយចំនួនក្នុងគោលដៅប្រតិបត្តិការបោសសម្អាតទីតាំងសង្ស័យប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (Online Scams) ក្នុងមូលដ្ឋានខណ្ឌ៧មករា ។
ជាលទ្ធផល សមត្ថកិច្ចបានរកឃើញនៅជាន់ទី០៨ មានជនបរទេសចំនួន០៦នាក់ ជនជាតិវៀតណាម និងសម្ភារៈរួមមាន Laptop បោះចោលពីបន្ទប់ជាន់ទី៨ មកខាងក្រោមបំផ្លាញចោល) ទូរស័ព្ទមួយចំនួនមានជាប់ពាក់ព័ន្ធការប្រព្រឹត្តការឆបោកតាមប្រព័ន្ធបច្ចេកវិទ្យា(SCAMS ONLINE) និងនៅជាន់ទី១១ និងជាន់ទី១៥ ឃាត់ខ្លួនមនុស្សចំនួន០៣នាក់ ពាក់ព័ន្ធគ្រឿងញៀន និងដកហូតបានមួយចំនួនផងដែរ ។
បច្ចុប្បន្ន ជនសង្ស័យ០៦នាក់ និងសម្ភារៈពាក់ព័ន្ធត្រូវបញ្ជូនទៅអធិការដ្ឋាននគរបាលខណ្ឌ៧មករា និងជនសង្ស័យ០៣នាក់ពាក់ព័ន្ធគ្រឿងញៀន បញ្ជូនទៅការិយាល័យប្រឆាំងបទល្មើសគ្រឿងនៃស្នងការដ្ឋាននគរបាលរាជធានីភ្នំពេញ ដើម្បីអនុវត្តតាមនីតិវិធី ៕
ចែករំលែកព័តមាននេះ