រដ្ឋមន្ត្រីការពារប្រទេសប្រេស៊ីលលោក NELSON JOBIM បានសុំលាលែងចេញពីតំណែង ហើយនឹងត្រូវជំនួសដោយអតីតរដ្ឋមន្ត្រីការបរទេសលោក CELSO AMORIM ។ នេះជាសេចក្តីជូនដំណឹងរបស់វិមានប្រធានាធិបតីប្រេស៊ីល ។ លោក JOBIM បានសុំលាលែងពីតំណែងដោយសារពាក្យរិះគន់នានារបស់លោកពិសេសក្នុងអត្ថបទចេញ
រដ្ឋមន្ត្រីការពារប្រទេសប្រេស៊ីលលោក NELSON JOBIM បានសុំលាលែងចេញពីតំណែង ហើយនឹងត្រូវជំនួសដោយអតីតរដ្ឋមន្ត្រីការបរទេសលោក CELSO AMORIM ។ នេះជាសេចក្តីជូនដំណឹងរបស់វិមានប្រធានាធិបតីប្រេស៊ីល ។ លោក JOBIM បានសុំលាលែងពីតំណែងដោយសារពាក្យរិះគន់នានារបស់លោកពិសេសក្នុងអត្ថបទចេញផ្សាយដោយទស្សនាវដ្តីមួយចំពោះរដ្ឋមន្ត្រីដទៃៗទៀតនៃរដ្ឋាភិបាលរបស់លោកស្រី DILMA ROUSSEFF ។
យោងតាមទស្សនាវដ្តីនេះលោក JOBIM ថ្លែងថា រដ្ឋមន្ត្រីក្រសួងទំនាក់ទំនងរវាងបណ្តាស្ថាប័ន លោក IDELI SALVATTI គ្មានសមត្ថភាពនិងថាប្រមុខខុទ្ទកាល័យគណៈរដ្ឋមន្ត្រី លោក GLEISI HOFFMANN មិនទាំងស្គាល់រដ្ឋធានីប្រាស៊ី ស៊ីយ៉ា ច្បាស់ផង ។
ក្នុងបទសម្ភាសន៍មួយទៀតលោកអះអាងថា លោកបានបោះឆ្នោតគាំទ្របេក្ខជនជាគូប្រជែងនឹងលោកស្រី ROUSSEFF ក្នុងការបោះឆ្នោតប្រធានាធិបតីកាលពីឆ្នាំទៅមិញ ក៏ប៉ុន្តែការបោះឆ្នោតនេះពុំប៉ះពាល់ដល់ទំនាក់ទំនងរបស់លោកជាមួយលោកស្រីប្រធានាធិបតីរូបនោះឡើយ។ លោក JOBIM ជារដ្ឋមន្ត្រីទី៣ ដែលចាកចេញពីតំណែងចាប់តាំងពីលោកស្រី ROU-SSETFF ក្លាយជាប្រធានាធិបតីស្ត្រីដំបូងគេរបស់ប្រេស៊ីលកាលពីខែមករាមក ៕
ចែករំលែកព័តមាននេះ