រាជធានីភ្នំពេញ ៖ ថ្ងៃទី១៦ ខែមិថុនា ឆ្នាំ២០២៦ គណៈបញ្ជាការឯកភាពរដ្ឋបាលខណ្ឌបឹងកេងកង ក្រោមការដឹកនាំបញ្ជាផ្ទាល់របស់លោក សុខ សម្បត្តិ អភិបាល នៃគណៈអភិបាលខណ្ឌបឹងកេងកង បានដឹកនាំ និងសហការជាមួយកម្លាំងគណៈបញ្ជាការឯកភាពរដ្ឋបាលរាជធានីភ្នំពេញ ចុះត្រួតពិនិត្យតាមទីតាំងអគារខុនដូ អាផាតមិន ផ្ទះសំណាក់ ផ្ទះជួល និងសណ្ឋាគារមួយចំនួន ក្នុងគោលដៅប្រតិបត្តិការបោសសម្អាតទីតាំងសង្ស័យប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា (ONLINE SCAMS) និងចុះផ្សព្វផ្សាយអនុក្រឹត្យលេខ ០៣ អនក្រ.បក ចុះថ្ងៃទី៥ ខែមករា ឆ្នាំ២០២៦ របស់រាជរដ្ឋាភិបាលកម្ពុជា ស្ដីពីការគ្រប់គ្រងសន្ដិសុខសុវត្ថិភាពតាមទីតាំងរស់នៅប្រមូលផ្ដុំ ក្នុងភូមិសាស្ដ្រខណ្ឌបឹងកេងកងបានចំនួន ៣ទីតាំង ដែលមាន ៖
ក្រុមទី១ ៖ ដឹកនាំដោយលោក កឹមណៃ វីរៈខេមរា អភិបាលរងខណ្ឌ ចុះធ្វើរដ្ឋបាលនៅ សណ្ឋាគារ ឆេក អ៊ីន ភ្នំពេញ (CHECK INN PHNOM PENH HOTEL) ស្ថិតនៅអគារលេខ១ ផ្លូវលេខ២៨២ ភូមិ៥ សង្កាត់បឹងកេងកងទី១
-កម្ពស់ ៧ជាន់
-បន្ទប់ស្នាក់នៅសរុប ៤៨បន្ទប់
-បុគ្គលិកសរុប ១៦នាក់/ស្រី ១៣នាក់
-មានជនបរទេសកំពុងរស់នៅសរុប ៨នាក់(ស្រី ៣នាក់) ស្មើនឹង ៦សញ្ជាតិ។
ក្រុមទី២ ៖ ដឹកនាំដោយលោក ហេង ពិសិដ្ឋ អភិបាលរងខណ្ឌ ចុះធ្វើរដ្ឋបាលនៅ អាផាតមិន ហួរ ហេង អគារលេខ១៤ ផ្លូវលេខ៣៣០ ភូមិ២ សង្កាត់បឹងកេងកងទី៣
-មានកម្ពស់ ០៨ ជាន់
-បន្ទប់ស្នាក់នៅសរុប ១០ បន្ទប់
-មានអ្នកស្នាក់នៅសរុបមក ០៥ បន្ទប់
-មានជនបរទេសមានសរុប ០៩ នាក់ ស្រី០៣នាក់ ស្មើនឹង ៤សញ្ជាតិ។
ក្រុមទី៣ ៖ ដឹកនាំដោយលោក ជ្រុន ថេរ៉ាវង្ស អភិបាលរងខណ្ឌ ចុះធ្វើរដ្ឋបាលនៅ បន្ទប់ជួល ២៧ផ្លូវ២៨០ ភូមិ០៤ សង្កាត់អូឡាំពិក
-កម្ពស់០៥ ជាន់
-បន្ទប់ស្នាក់នៅសរុប១៨បន្ទប់
-គ្មានជនបរទេសស្នាក់នៅទេ
ជាលទ្ធផលក្រុមការងារបានចុះត្រួតពិនិត្យទីតាំងខាងលើ៖
-បន្ទប់ស្នាក់នៅសរុប១២៤បន្ទប់
-មានជនបរទេសស្នាក់នៅសរុប១៧នាក់/ស្រី៦នាក់ ស្មើនឹង៧សញ្ជាតិ ក្នុងនោះជនបរទេសដែលស្នាក់នៅមានលិខិតឆ្លងដែនត្រឹមត្រូវ។
ទីតាំងទាំង៣ខាងលើនេះ មិនមានរកឃើញបទល្មើសឆបោកតាមប្រព័ន្ធបច្ចេកវិទ្យា (ONLINE SCAMS) នោះទេ ៕
ចែករំលែកព័តមាននេះ