នាវាមួយគ្រឿងដែលចាកចេញពីលីប៊ី ហើយដឹកជនអន្តោប្រវេសន៍ជាង៣០០នាក់បានត្រូវជួយសង្គ្រោះកាលពីថ្ងៃទី៤ សីហា ដោយកងឆ្មាំឆ្នេរសមុទ្រអ៊ីតាលី ខណៈដែលនាវានោះមានបញ្ហានៅក្នុងដែនទឹកនៃកោះ LAMPEDUSA។ ពួកអ្នកនៅរស់រានមានជីវិតថ្លែងប្រាប់ទីភា្នក់ងារព័ត៌មានអ៊ីតាលី ANSA កាលពីថ្ងៃទី៤ សីហា ថា
នាវាមួយគ្រឿងដែលចាកចេញពីលីប៊ី ហើយដឹកជនអន្តោប្រវេសន៍ជាង៣០០នាក់បានត្រូវជួយសង្គ្រោះកាលពីថ្ងៃទី៤ សីហា ដោយកងឆ្មាំឆ្នេរសមុទ្រអ៊ីតាលី ខណៈដែលនាវានោះមានបញ្ហានៅក្នុងដែនទឹកនៃកោះ LAMPEDUSA។
ពួកអ្នកនៅរស់រានមានជីវិតថ្លែងប្រាប់ទីភា្នក់ងារព័ត៌មានអ៊ីតាលី ANSA កាលពីថ្ងៃទី៤ សីហា ថា សាកសពមនុស្សជាច្រើនសិបនាក់ត្រូវបានបោះចូលក្នុងទឹកសមុទ្រ។ នាវាដែលពួកគេជិះដឹកមនុស្សជាង៣០០នាក់ជួបប្រទះនឹងការខូចម៉ាស៊ីនជាច្រើនម៉ោងក្រោយចាកចេញពីលីប៊ី។ នាវាល្បាត៤គ្រឿងរបស់អ៊ីតាលីមកពីកោះ LAMPEDUSA ជាកោះមួយនៅភាគខាងត្បូងអ៊ីតាលីត្រូវបានបញ្ជូនទៅកាន់កន្លែងនាវាជួបគ្រោះថ្នាក់ដើម្បីនាំយកពួកអន្តោប្រវេសន៍ទាំងនោះមកកាន់កោះនេះ។ ជនអន្តោប្រវេសន៍មួយចំនួនដែលមានសុខភាពធ្លាក់ចុះទ្រុឌទ្រោមខ្លាំងត្រូវបានបញ្ជូនទៅកាន់មជ្ឈមណ្ឌលសុខភាពកោះ LAMPEDUSA និងទៅកាន់មន្ទីរពេទ្យក្រុងPALERME ទីប្រជុំជននៃតំបន់ស្វយ័តស៊ីស៊ីល។
កោះ LAMPEDUSA នាពេលថ្មីៗនេះមានរលកនៃការធ្វើអន្តោប្រវេសន៍មកកាន់ទីនោះ។ កាលពីថ្ងៃទី១ សីហា កន្លងមកនេះជនជាតិលីប៊ី២៥នាក់ដែលរត់គេចចេញពីសង្គ្រាមស៊ីវិលត្រូវស្លាប់នៅលើនាវាមួយគ្រឿងមានប្រវែង១៥ម៉ែត្រ ដែលដឹកជនភៀសខ្លួនជាង២៧០នាក់ ៕
ចែករំលែកព័តមាននេះ