​តុលាការបារាំង​​​រាយការណ៍​ថា ការ​ស៊ើប​អង្កេត​​​មួយ​លើ​​រូបលោកស្រី​​ CHRISTINE LAGARDE អគ្គនាយិកា​ថ្មីរបស់ IMF ត្រូវ​​​បាន​​បើក​​ធ្វើកាលពីថ្ងៃទី​​​៤ សីហា ពីបទ «រួមគំនិត​​ពង្វាង​​យកទ្រព្យ​សម្បត្តិ​សាធារណៈ និង​ការ​ក្លែង​​បន្លំ» ទាក់ទិន​នឹង​អ្នកជំនួញ​​ម្នាក់ លោក BERNARD TAPIE កាលពីឆ្នាំ​​​២០០៨។ អតីតរដ្ឋមន្ត្រី​​​សេដ្ឋកិច្ច​​​​បារាំង​រូបនេះ ​ដែល​ត្រូវ​​តែ​ងតាំង​​​កាលពីខែមុន ​ជា​ប្រមុខ​របស់ IMF ជំនួស​លោក DOMINIQUE STRAUSS KAHN ត្រូវទទួល​ការ​ស៊ើបអង្កេត​​​ដឹកនាំ​ធ្វើ​ដោយ​​ចៅ​​ក្រម​​ឯករាជ្យ​​៣រូប ដែល​នឹង​​ចាប់​ផ្តើម​​​ពី​ពាក់កណ្តាល​​​ខែសីហា​ទៅ​។​

ដែលអាចត្រូវ​​​ឃុំខ្លួន​​លោកស្រី CHRI-STINE LAGARDE ដែលបដិសេធ​​​ចំពោះ​រាល់​ការ​ចោទប្រកាន់​​ឱ្យ​ដឹង​ថា លោកស្រីនឹង​​​មិន​លាលែង​​ចេញពីតំណែង​​​​អគ្គនាយិកា IMF ឡើយ។ IMF បានបញ្ចេញ​​​ប្រតិកម្ម​​ចំពោះ​ការ​បើក​ការស៊ើបអង្កេត​​នេះ ដោយ​វាយតម្លៃ​​​ថា រឿង​នេះ​​​នឹង​មិនរារាំង​​អ្វីឡើយ​​​ដល់​លោកស្រី CHRISTINE LAGARDE ក្នុងការបំពេញ​​​​ភារកិច្ច​​​របស់លោកស្រី ។ ​IMF សម្រេច​​មិនធ្វើ​​អត្ថា​ធិប្បាយ​​​​ដទៃ​ណា​ទៀត​​​ឡើយ​។​

ការ​ចោទ​ប្រកាន់​​​​ពីការរួម​គំនិត​​​ពង្វាង​​​យក​ទ្រព្យ​​សម្បត្តិ ​សាធារណៈ​អា​ច​មានទោស​​​ជាប់គុក​​​១០ឆ្នាំ ​និង​ពិន័យ​​ប្រាក់​​​១៥០.០០០​​អឺរ៉ូ។ លោកស្រី CHRISTINE LAGARDE ទទួលការចោទប្រកាន់​​ថា បានជ្រើសរើស​​​កាលពី​ឆ្នាំ​​​២០០៧ ​ផ្ទុយពី​យោបល់​​​របស់​​បណ្តា​ភ្នាក់ងារ​​​​លោកស្រី​​​ជួយ​ចេញ​​ប្រាក់​ដោះស្រាយ​​ជម្លោះ ​​ដែល​ទាក់ទិន​ដល់​ការ​លក់​កាលពីឆ្នាំ​​១៩៩៣ ​​នូវ​ក្រុម​ហ៊ុន ADIDAS ពេលនោះ​​គ្រប់គ្រង​ដោយ​លោក BERNARD TAPIE ដែល​លក់​ទៅ​​ឱ្យ​​ធនាគារ​​​ឥណ​ទាន​​​​ក្រុង​​លី​យ៉ុង​មួយ​។ រឿងនេះ​​​ទាក់ទិន​ទឹកប្រាក់​​​២៨៥​លាន​អឺរ៉ូ ៕​