អាវុធហត្ថខេត្តស្ទឹងត្រែង បង្ក្រាបករណីគ្រឿងញៀ.ន និងឃាត់ខ្លួនជនសង្ស័យធ្វើសកម្មភាពលួ.ច
- ស្ទឹងត្រែង
ខេត្តស្ទឹងត្រែង៖ អនុវត្តតាមបទបញ្ជារបស់លោក ឧត្តមសេនីយ៍ត្រី សេង សុភាព មេបញ្ជាការកងរាជអាវុធហត្ថខេត្តស្ទឹងត្រែង កម្លាំងជំនាញបានបើកប្រតិបត្តិការបង្ក្រាបករណីល្មើសច្បាប់ជាបន្តបន្ទាប់ ដោយឃាត់ខ្លួនជនសង្ស័យសរុប ០៦នាក់ បញ្ជូនទៅតុលាការ។
ទាក់ទិនករណីខាងលើកម្លាំងបប្រតិបត្តិការបានបង្ក្រាបមុខសញ្ញាជួញដូរ និងប្រើប្រាស់គ្រឿងញៀន ០៥នាក់ក្នុងររយៈពេល ២ថ្ងៃជាប់គ្នា ។ថ្ងៃទី០៦ មិថុនាកម្លាំងជំនាញចុះឃាត់ខ្លួនឈ្មោះ ហុក សារិទ្ធ អាយុ ៤៨ឆ្នាំ (អតីតយោធាសោធននិវត្តន៍) នៅស្រុកសៀម
ប៉ាង។ ដកហូតបានថ្នាំញៀនប្រភេទមេតំហ្វេតាមីន (Ice) ចំនួន ០៧កញ្ចប់ ទម្ងន់សុទ្ធ ២១.៣ក្រាម ទូរសព្ទ ០១គ្រឿង និងប្រាក់មួយចំនួន។ នៅថ្ងៃទី០៧ មិថុនាបន្តស្រាវជ្រាវឃាត់ខ្លួនបក្សពួក ០៤នាក់បន្ថែមទៀតនៅក្រុងស្ទឹងត្រែង រួមមានឈ្មោះ ឌី ភូមចាន់បរមី ១៩ឆ្នាំ, ស្លេះ រ៉ូហ្វី ១៨ឆ្នាំ, សឿន ឧស្សាហ៍ ២០ឆ្នាំ និងឈ្មោះ សី ដាលី ស្រី, ១៨ឆ្នាំ។ ក្នុងសកម្មភាពនេះដកហូតវត្ថុតាងថ្នាំញៀន (Ice) ០៤កញ្ចប់ ទម្ងន់សុទ្ធ ៥៦.៦០ក្រាម, ម៉ូតូ ០២គ្រឿង, ទូរសព្ទ ០៥គ្រឿង, ជញ្ជីងថ្លឹងថ្នាំញៀន និងសម្ភារៈសេពមួយចំនួន។
ស្ថិតក្នុងករណីបន្ទាប់កម្លាំងកងរាជអាវុធហត្ថបានឃាត់ខ្លួនជនសង្ស័យលួចមានស្ថានទម្ងន់ទោស និងប្រើប្រាស់គ្រឿងញៀនដែលប្រព្រឹត្ត កាលពីយប់ថ្ងៃទី១០ ខែមិថុនា ឆ្នាំ២០២៦ វេលាម៉ោង ២២និង១៨នាទី ក្រោយទទួលពាក្យបណ្តឹងពីតំណាងក្រុមហ៊ុនម្សៅ
ដំឡូងមីចំកាត់ (ចំការចេក) ស្ថិតក្នុងស្រុកបុរីអូរស្វាយសែនជ័យ និងបានប្រគល់ជនសង្ស័យម្នាក់ឈ្មោះ ប៊ុន យ៉ត អាយុ ២៣ឆ្នាំ ជាកម្មករក្រុមហ៊ុន។ជនសង្ស័យរូបនេះបានធ្វើសកម្មភាពលួចទ្រព្យ សម្បត្តិក្រុមហ៊ុនកាលពីវេលាម៉ោង ២១និង១៣នាទីយប់ថ្ងៃដដែល។ វត្ថុតាងដកហូតរួមមាន៖ ខ្សែភ្លើង ០៤ដុំ, ដាវ ០១, កូនកាំបិត ០២, ចបជីក ០១ និងកណ្តៀវ ០១។ ក្រោយការធ្វើ
តេស្តទឹកនោម សមត្ថកិច្ចរកឃើញថាជនសង្ស័យមានវិជ្ជមាន (+) សារធាតុញៀនថែមទៀតផងដែរ។
បច្ចុប្បន្ន ជនសង្ស័យទាំង ០៦នាក់ រួមនឹងវត្ថុតាងទាំងអស់ ត្រូវបានការិយាល័យជំនាក់កងរាជអាវុធហត្ថខេត្តស្ទឹងត្រែង កសាងសំណុំរឿងបញ្ជូនទៅកាន់អយ្យការអមសាលាដំបូងខេត្ត ដើម្បីចាត់ការតាមនីតិវិធីច្បាប់៕
ចែករំលែកព័តមាននេះ