ពីរនាក់តាយាយជិះម៉ូតូឆ្លងផ្លូវខ្វះការប្រុងប្រយ័ត្ន ក៏ត្រូវឡានបុ.កពីក្រោយ ស្លា.ប់ប្រពន្ធយ៉ាងរន្ធ.ត់
- បាត់ដំបង
ខេត្តាបត់ដំបង ៖ ស្ត្រីវ័យចំណាស់ម្នាក់បានស្លាប់ ខណៈស្វាមីរបស់គាត់រងរបួសធ្ងន់ នៅពេលគាត់ជិះម៉ូតូឌុបគ្នាឆ្លងកាត់ផ្លូវជាតិ ហើយបត់ដោយខ្វះការប្រុងប្រយ័ត្ន ក៏ត្រូវរថយន្តបុកពេញទំហឹងពីក្រោយ កាលពីព្រឹកថ្ងៃទី១១ មិថុនា នៅលើកំណាត់ផ្លូវជាតិលេខ៥ ត្រង់ចំណុចភូមិដុបក្រសាំង ឃុំព្រៃត្រូច ស្រុកមោងប្ញស្សី ។
របាយការណ៍សមត្ថកិច្ចបានឲ្យដឹងថា ជនរងគ្រោះដែលជិះម៉ូតូពីរនាក់ប្ដីប្រពន្ធបានជិះម៉ូតូឌុបគ្នាឆ្លងកាត់ផ្លូវជាតិ ហើយបត់ឆ្វេងដោយខ្វះការប្រុងប្រយ័ត្ន មិនបានមើលឆ្វេងស្ដាំ ក៏ត្រូវរថយន្តបុកពីក្រោយពេញទំហឹង បណ្ដាលឲ្យពីរនាក់ប្ដីប្រពន្ធវ័យចំណាស់ខាងលើនេះប៉ើងធ្លាក់ចេញពីផ្លូវ ធ្វើឲ្យប្រពន្ធគាត់ស្លោប់ រីឯប្ដីរងរបួសធ្ងន់ ។
ជនរងគ្រោះឈ្មោះ ហែម សុវណ្ណ អាយុ៧៥ឆ្នាំ (ប្ដី) របួសធ្ងន់ និងប្រពន្ធរបស់គាត់ដែលមានវ័យចំណាស់ដែរ គេមិនទាន់ស្គាល់ឈ្មោះទេ បានស្លាប់ភ្លាមៗនៅចំណុចកើតហេតុ ។ ដោយឡែក អ្នកបើកបររថយន្តបានរត់គេចខ្លួនក្រោយបុកមនុស្សស្លាប់ និងរបួស ។
របាយការណ៍បានឲ្យដឹងទៀតថា រថយន្តនោះដឹកអ្នកដំណើរម៉ាក Sang Yong ពណ៌សម្បកឪឡឹក ពាក់ស្លាកលេខ ភ្នំពេញ 2AD-6762 ធ្វើដំណើរពីទិសខាងត្បូងទៅខាងជើង រីឯភាគីរងគ្រោះជិះម៉ូតូឆ្លងផ្លូវពីទិសខាងលិចឆ្ពោះទៅកើត ហើយបានបត់ឆ្វេង កាត់មុខរថយន្តកំពុងស្របទិសគ្នា ក៏ត្រូវរថយន្តបុកពីក្រោយតែម្ដង ។
មន្ត្រីចរាចរណ៍បានចុះទៅកាន់ទីតាំងកើតហេតុភ្លាមៗ ដើម្បីពិនិត្យនិងវាស់វែង ។ បើតាមមន្ត្រីចរាចរណ៍បានប្រាប់ថា បើតាមពិនិត្យចំណុចកើតហេតុ និងតាមការបំភ្លឺនានា ពីសាក្សីផង ឧប្បតិហេតុនេះបានកើតឡើងដោយសារការធ្វើដំណើរខ្វះការប្រុងប្រយ័ត្ន ។
ជាពិសេស ភាគីម៉ូតូដែលជិះម៉ូតូឆ្លងផ្លូវ ហើយខ្វះការប្រុងប្រយ័ត្ន ទើបជួបគ្រោះថ្នាក់បែបនេះ ។ យ៉ាងណា មន្ត្រីចរាចរណ៍បាននាំយកមធ្យោបាយបង្កគ្រោះថ្នាក់ទាំងពីរភាគីទៅកាន់ការិយាល័យជំនាញ ដើម្បីចាត់ការតាមនីតិវិធីហើយ ៕
ចែករំលែកព័តមាននេះ