ប្រទេសអាហ្វ្រិកខាងត្បូង ៖ ការបាញ់ប្រហារសម្លាប់មនុស្សដ៏រង្គាលមួយ កើតមានកាលពីយប់ថ្ងៃទី៩ មក១០មិថុនា នៅសង្កាត់CLEVELANT ជាយក្រុងចូហាននេស្បួក បណ្ដាលឲ្យមនុស្សស្លាប់យ៉ាងតិច១២នាក់ និងរបួស៩នាក់ ។
ជនសង្ស័យជាង១០នាក់ បានចុះពីរថយន្តបឺសធុនតូចមួយគ្រឿង ហើយលុកចូលក្នុងសង្កាត់ក្រីក្រនេះ នៃទីក្រុងធំជាងគេរបស់ប្រទេសគឺក្រុងចូហាននេស្បួក ដោយបាញ់រះលើប្រជាជននៅពេលយប់ បណ្ដាលឲ្យមនុស្សស្លាប់យ៉ាងតិច១២នាក់ និងរបួស
៩នាក់។ នេះបើតាមសេចក្ដីរាយការណ៍របស់ប៉ូលិសមូលដ្ឋាន កាលពីថ្ងៃទី១០ មិថុនា។ ក្រោយការបាញ់ប្រហារនេះហើយពួកគេបានគេចខ្លួនតាមរថយន្តដដែល ។ ក្នុងចំណោមអ្នកស្លាប់មានមានបុរស៩នាក់ និងនារី៣នាក់ ។
ការតាមប្រមាញ់កំពុងធ្វើ ដើម្បីរុករកជនសង្ស័យទាំងនេះ ហើយនៅមិនទាន់មានការចាប់ខ្លួនមនុស្សណាម្នាក់នៅឡើយ។ មូលហេតុនៃការបាញ់ប្រហារនេះនៅតែមិនទាន់ដឹង។ ការបាញ់ប្រហារកើតមានញឹកញាប់នៅអាហ្វ្រិកខាងត្បូង ជារឿយៗដោយសារជម្លោះរវាងក្រុមជនខិលខូចឬរវាងសហគ្រាសខុសច្បាប់ ៕
ចែករំលែកព័តមាននេះ