មានមនុស្ស៧នាក់ស្លា.ប់ក្នុងហេតុការណ៍គ្រោះមហន្តរាយទឹកជំនន់នៅភាគខាងជើងប្រទេសថៃ ដែលបង្កឡើងពីកន្ទុយចុងក្រោយរបស់ខ្យល់ព្យុះត្រូពិក Nock-ten។ ខ្យល់ព្យុះមួយនេះក៏បានបណ្តាលឱ្យមានមនុស្ស៦០នាក់ស្លា.ប់ក្នុងប្រទេសហ្វីលីពីនផងដែរ។ នេះបើតាមសម្តីផ្លូវការនិយាយកាលពីថ្ងៃព្រហស្បតិ៍។
មានមនុស្ស៧នាក់ស្លាប់ក្នុងហេតុការណ៍គ្រោះមហន្តរាយទឹកជំនន់នៅភាគខាងជើងប្រទេសថៃ ដែលបង្កឡើងពីកន្ទុយចុងក្រោយរបស់ខ្យល់ព្យុះត្រូពិក Nock-ten។ ខ្យល់ព្យុះមួយនេះក៏បានបណ្តាលឱ្យមានមនុស្ស៦០នាក់ស្លាប់ក្នុងប្រទេសហ្វីលីពីនផងដែរ។ នេះបើតាមសម្តីផ្លូវការនិយាយកាលពីថ្ងៃព្រហស្បតិ៍។
ទឹកជំនន់ដែលបង្កឡើងដោយខ្យល់ព្យុះនេះក៏បានបណ្តាលឱ្យប៉ះពាល់ដល់ជីវភាពរស់នៅរបស់ប្រជាជនប្រហែលជិតកន្លះលាននាក់ ដែលរស់នៅក្នុងខេត្តចំនួន១៦ របស់ថៃតាំងពីសប្តាហ៍មុន។ នេះបើតាមសម្តីរបស់មន្ត្រីនៃនាយកដ្ឋានសម្រាល និងបង្ការគ្រោះមហន្តរាយនៃប្រទេសថៃនិយាយ។
មានមនុស្ស១២នាក់បានរងរបួស និង៤នាក់ផ្សេងទៀតនៅបាត់ខ្លួននៅឡើយ ក្នុងពេលមានទឹកជំនន់និងបាក់ដីដោយសារមានភ្លៀងធ្លាក់ខ្លាំងខុសពីធម្មតានៅភាគខាងជើង និងឦសាននៃប្រទេសថៃ ដោយឥទ្ធិពលខ្យល់ព្យុះ Nock-ten បង្កើតជារលកសម្ពាធទាប តែពេលនេះវាបានថមថយកម្លាំងបន្តិចហើយ។
ខ្យល់ព្យុះ Nock-ten ដែលយកឈ្មោះសត្វបក្សីមួយប្រភេទនៅប្រទេសឡាវនេះ បានបណ្តាលឱ្យមនុស្សស្លាប់ចំនួន៦៦នាក់ និងបាត់ខ្លួន១៧នាក់នៅក្នុងប្រទេសហ្វីលីពីន។ ជនរងគ្រោះស្លាប់ដោយសារលង់ទឹក កប់ក្នុងដី ចំណែកអ្នកបាត់ខ្លួនភាគច្រើនជាអ្នកនេសាទដែលចេញទៅសមុទ្រ។ ខ្យល់ព្យុះនេះ ក៏បានសម្លាប់មនុស្សម្នាក់ផងដែរនៅក្នុងប្រទេសវៀតណាមកាលពីថ្ងៃសៅរ៍សប្តាហ៍មុន៕
ចែករំលែកព័តមាននេះ