រាជធានីភ្នំពេញ ៖ បុរសម្នាក់បានស្លា.ប់បាត់បង់ជីវិតយ៉ាងអាណោចអាធ័មក្នុងឧប្បត្តិ ហេតុគ្រោះថ្នាក់ចរាចរណ៍ដ៏រន្ធត់មួយដែលបានកើតឡើងនៅលើកំណាត់ ផ្លូវជាតិលេខ១ មុខវិទ្យាល័យច្បារអំពៅ ស្ថិតក្នុងសង្កាត់និរោធ ខណ្ឌមានជ័យ កាលពីវេលាម៉ោង៧និង៣០នាទីយប់ថ្ងៃទី៣ សីហា ឆ្នាំ២០១១
រាជធានីភ្នំពេញ ៖ បុរសម្នាក់បានស្លាប់បាត់បង់ជីវិតយ៉ាងអាណោចអាធ័មក្នុងឧប្បត្តិហេតុគ្រោះថ្នាក់ចរាចរណ៍ដ៏រន្ធត់មួយដែលបានកើតឡើងនៅលើកំណាត់ផ្លូវជាតិលេខ១ មុខវិទ្យាល័យច្បារអំពៅ ស្ថិតក្នុងសង្កាត់និរោធ ខណ្ឌមានជ័យ កាលពីវេលាម៉ោង៧និង៣០នាទីយប់ថ្ងៃទី៣ សីហា ឆ្នាំ២០១១ ។
បុរសរងគ្រោះក្នុងហេតុការណ៍ខាងលើនេះ ឈ្មោះនីម ថេន អាយុ៣៤ឆ្នាំ មុខរបររត់ម៉ូតូឌុប រស់នៅក្នុងភូមិព្រែកតាទិន ឃុំស្វាយប្រទាល ស្រុកស្អាង ខេត្តកណ្តាល។ មុនពេលជួបហេតុការណ៍គ្រោះថ្នាក់ឈ្មោះនីម ថេន ជិះម៉ូតូធុនC100 កូរ៉េ ពណ៌ក្រហម ធ្វើដំណើរលើដងផ្លូវជាតិលេខ១ ក្នុងទិសដៅពីកើតទៅលិច លុះដល់ចំណុចកើតហេតុ ក៏បើកម៉ូតូវ៉ារថយន្តម៉ាក FUSO ពណ៌ស ដែលធ្វើដំណើរស្របទិសគ្នា។ ប៉ុន្តែចៃដន្យអាក្រក់ពេលវ៉ាផុតស្រាប់តែម៉ូតូធ្លាក់ជង្ហុក បណ្តាលឱ្យជនរងគ្រោះដួលបោកខ្លួនពី មុខរថយន្តហើយត្រូវរថយន្តកិនបែកក្បាលស្លាប់ភ្លាមៗតែម្តង។ ដោយឡែក អ្នកបើកបររថយន្តខាងលើ ក្រោយពីដឹងថាកិនមនុស្សស្លាប់ ក៏បានរត់គេចខ្លួនចោលរថយន្ត។
ក្រោយហេតុការណ៍គ្រោះថ្នាក់កើតឡើង សមត្ថកិច្ចនគរបាលខណ្ឌមានជ័យបានចុះវាស់វែងរួចយករថយន្ត និងម៉ូតូទៅរក្សាទុកនៅស្នងការដ្ឋាននគរបាលរាជធានីភ្នំពេញដើម្បីចាត់ការតាមច្បាប់។ ចំណែកសពបុរសរងគ្រោះ សមត្ថកិច្ចបានទំនាក់ទំនងទៅក្រុមគ្រួសារឱ្យមកទទួលយកទៅធ្វើបុណ្យនៅស្រុកកំណើត៕
ចែករំលែកព័តមាននេះ