រាជធានីភ្នំពេញ ៖ យោងតាមសេចក្តីជូនដំណឹងរបស់គណបក្សសម រង្ស៊ី ដែលបានចេញផ្សាយកាលពីថ្ងៃទី២ សីហា ២០១១ ឱ្យដឹងថា អគ្គលេខាធិការនៃគណបក្សសម រង្ស៊ី សូមជម្រាបជូនដំណឹងដល់ថ្នាក់ដឹកនាំសមាជិក សមាជិកាគណបក្ស និងសាធារណជនទាំងអស់ឱ្យបានជ្រាបថា គណៈកម្មាធិការអចិន្ត្រៃយ៍គណបក្សបានសម្រេច
រាជធានីភ្នំពេញ ៖ យោងតាមសេចក្តីជូនដំណឹងរបស់គណបក្សសម រង្ស៊ី ដែលបានចេញផ្សាយកាលពីថ្ងៃទី២ សីហា ២០១១ ឱ្យដឹងថា អគ្គលេខាធិការនៃគណបក្សសម រង្ស៊ី សូមជម្រាបជូនដំណឹងដល់ថ្នាក់ដឹកនាំសមាជិក សមាជិកាគណបក្ស និងសាធារណជនទាំងអស់ឱ្យបានជ្រាបថា គណៈកម្មាធិការអចិន្ត្រៃយ៍គណបក្សបានសម្រេចនៅក្នុងកិច្ចប្រជុំកាលពីថ្ងៃទី១ សីហា ២០១១ នឹងរៀបចំធ្វើសមាជគណបក្សលើកទី៥ នៅថ្ងៃទី១១ កញ្ញា ២០១១ ខាងមុខនេះ។
សេចក្តីជូនដំណឹងនោះចុះហត្ថលេខាដោយលោកស្រីកែ សុវណ្ណរតន៍ ជាអគ្គលេខាធិការគណបក្សសម រង្ស៊ី ។ របៀបវារៈនៃសមាជត្រូវបានដាក់ជូនសមាជិកគណៈកម្មាធិការនាយកនៃគណបក្សសម្រេចក្នុងកិច្ចប្រជុំកាលពីថ្ងៃទី៤សីហា ២០១១ ។ មន្ត្រីគណបក្សសម រង្ស៊ី បានបញ្ជាក់ថា របៀបវារៈរួមមានការបោះឆ្នោតជ្រើសរើសប្រធានគណបក្សថ្មីដែលតាមទម្លាប់ការជ្រើសរើសប្រធានបក្សថ្មីត្រូវធ្វើឡើងរយៈពេល៣ឆ្នាំម្តង។ ការកំណត់ទិសដៅ និងពង្រឹងការរៀបចំការចុះឈ្មោះបោះឆ្នោត និងការកំណត់ទិសដៅរៀបចំយុទ្ធសាស្ត្រសម្រាប់ដណ្តើមជោគជ័យក្នុងការបោះឆ្នោតឃុំ-សង្កាត់បោះឆ្នោតព្រឹទ្ធសភា និងបោះឆ្នោតជាតិ ៕
ចែករំលែកព័តមាននេះ