ប្រធានាធិបតីអាមេរិកលោកបារ៉ាក់អូបាម៉ាបានអំពាវនាវកាលពីថ្ងៃទី៣ សីហា ដល់រុស្ស៊ីឱ្យដោះស្រាយរាល់បញ្ហាដែលនៅសេសសល់ហើយបង្ហើយការចរចាសម្រាប់ចូលជាសមាជិកអង្គការពាណិជ្ជកម្មពិភពលោក WTO នាដំណាច់ឆ្នាំ ២០១១នេះ ។ ក្នុងសេចក្តីប្រកាសមួយសេតវិមានគូសបញ្ជាក់ថា ប្រធានាធិបតីរុស្ស៊ីលោកឌីមីទ្រី ម៉េដវេដេវ
ប្រធានាធិបតីអាមេរិកលោកបារ៉ាក់អូបាម៉ាបានអំពាវនាវកាលពីថ្ងៃទី៣ សីហា ដល់រុស្ស៊ីឱ្យដោះស្រាយរាល់បញ្ហាដែលនៅសេសសល់ហើយបង្ហើយការចរចាសម្រាប់ចូលជាសមាជិកអង្គការពាណិជ្ជកម្មពិភពលោក WTO នាដំណាច់ឆ្នាំ ២០១១នេះ ។
ក្នុងសេចក្តីប្រកាសមួយសេតវិមានគូសបញ្ជាក់ថា ប្រធានាធិបតីរុស្ស៊ីលោកឌីមីទ្រី ម៉េដវេដេវ ធ្លាប់បានទូរស័ព្ទទៅកាន់លោកប្រធានាធិបតីអូបាម៉ាដោយពិភាក្សាលើការចរចាស្តីពីការចូលរបស់រុស្ស៊ីជាសមាជិក WTO ។ ប្រធានាធិបតីទាំង២សុទ្ធតែកត់សម្គាល់ឃើញពីការរីកចម្រើនយ៉ាងច្រើនដែលសម្រេចបានក្រោយពីការជួបពិភាក្សាកាលពីប៉ុន្មានសបា្តហ៍មុនមក ។
យោងតាមសេតវិមាន លោកអូបាម៉ាគូសបញ្ជាក់ពីភាពចាំបាច់សម្រាប់រុស្ស៊ីធ្វើការជាមួយសមាជិកដទៃទៀតរបស់ WTO ដើម្បីដោះស្រាយបញ្ហាទាំងឡាយដែលនៅជាប់គាំងហើយនាំទៅដល់ការចរចា ដែលឱ្យរុស្ស៊ីបានចូលជាសមាជិក WTO នាដំណាច់ឆ្នាំនេះ ។ រុស្ស៊ីដែលស្វះស្វែងចូលជាសមាជិក WTO ចាប់តាំងពី១៨ឆ្នាំមកហើយនោះ គឺជាមហាអំណាចសេដ្ឋកិច្ចមួយដែលស្ថិតនៅក្រៅ WTO ៕
ចែករំលែកព័តមាននេះ